HABACUC 3:16 - Biblia Guarani Tumpa Iñee

¹⁶ Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

HABACUC 3:16 ပူးပေါင်းရင်းမြစ်များ

JOB 30:17

Mbae jasɨ ojo chekägüe reta pe oväe; mbaetɨ oasa chegüi jasɨ vae pɨ̈tu yave.

JOB 30:30

Chepire opa moroü jare osururu, jare chekägüe jasɨ cherete jaku jeko pegua.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

PROVERBIOS 12:4

Kuña jeko kavi vae, yerovia ko ime peguarä; ërei kuña jeko kavimbae, yaratita rami ko ime ikägüe reta re.

PROVERBIOS 14:30

Ipɨakatu avei vae, tekove katu ko jete peguarä, ërei oporomotareɨ vae, yaratita rami ko ikägüe reta pe.

ISAÍAS 21:3

Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

JEREMÍAS 23:9

Ñeemombeúa reta regua oñemoërakua jeko pegua, chepɨatɨtɨ yae aï; opaetei cherete orɨrɨi, osavaɨpogüe rami aï, vino jou mbatee vae rami, yandeYa jare iñee ikɨambae jeko pegua.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 5:15

YandeYa jei ye: “Israel pegua reta, mase, ko aru peve matɨ güi jeta vae, jëia yae jare tëta ñɨma yae vae pegua reta. Mbaetɨ peikuaa iñee reta jare iyemongeta reta vae.

LAMENTACIONES 1:13

Ɨvate güi ombou tata, chekägüe reta oapɨ vae; cheraperä pe oñono ñuai, jare chemboyerova ye; chemboai chereeya, ara ñavo aiporara yae.

LAMENTACIONES 1:20

¡CheYa Tumpa, chepɨatɨtɨ yae aï! ¡Ayandu etei chepɨa onduku cheɨvɨte pe! Chepɨa-kërai, ayemongeta yave chepɨapochɨ yae vae re. Ikatu rupi, jeta yae oporoyuka vae, jare japɨpe rupi jeta mano.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

DANIEL 10:8

Cheño ete apɨta, jare aecha kuae mɨakañɨ guasu oyekuaa cheve vae, jare mbaetɨ etei cherete ipɨ̈rata, opaetei cherëogüe, mbaetɨ etei chepuere.

DANIEL 10:9

Ërei aendu iñee; jare aendu ramboeve iñee reta amano tëi, aa ɨvɨ re cherova kotɨ rupi.

DANIEL 8:27

Che, Daniel, ayandu chepɨtu yae aiko, mbovɨ ara rupi chembaerasɨ aiko. Ërei apüa ye yave, amboɨpɨ ye ayangareko mburuvicha guasu iparavɨkɨ re. Ërei che ayemongeta yae aiko jókuae aechagüe re, echa mbaetɨ chepuere aikuaa.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

San Lucas 21:19

Jare pepɨaguasu rupi peyemboasaukata ko.