HABACUC 2:8 - Biblia Guarani Tumpa Iñee

⁸ Echa nde repɨ̈ro jeta mbaembae tëtaguasu reta güi, jáeramo tëtaguasu reta jembɨregüe oyomboatɨta ndekotɨ, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

HABACUC 2:8 ပူးပေါင်းရင်းမြစ်များ

SALMOS 137:8

¡Nde, Babilonia reyemboaiukata vae! ¡Toyerovia jókuae omboekoviata ndeve, nde reyapo ikavimbae oreve rami vae!

PROVERBIOS 22:23

echa yandeYa oepɨta jókuae reta, oiporaraukata, jókuae oiporarauka chupe vae reta pe.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 33:4

jovaicho reta tuku jeta vae rami oporepeña jese reta, opaetei imbaeyekou oitɨvɨro chugüi reta, taso okaru vae rami.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 30:16

Ërei opaete pemboai vae, oyemboaita, jare opaete perovaicho oyererajata tembipɨɨrä iɨvɨ güi; amboaiukata jókuae pemboai vae, opaete jókuae opɨ̈ro mbae pegüi vae, oñepɨ̈rota vi mbae chugüi reta.

JEREMÍAS 50:14

¡Uvɨ regua reta, peñeñono kavi, peimama Babilonia! ¡Opaetei peruvɨ reta pemondo ikotɨ, echa iyoa reta chekotɨ!

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 50:37

¡Ou ñeraro ikavayu regua reta pe jare ikäretou pegua reta pe! ¡Ou ñeraro opaete sundaro reta omboepɨ imborɨarä vae reta pe, ërei kuñaecha opɨta retata! ¡Ou ñeraro imbaembae reta jepɨ vae pe, topɨ̈ro chugüi reta!

JEREMÍAS 51:13

Nde, Babilonia, ɨ̈aka reta ipäu pegua, jare jeta ndembaeyekou vae. ¡Oväe ma ndeve ndeapɨ vaerä! ¡Oväe ma iyapɨ vaerä ndembaepotarai!

JEREMÍAS 51:24

Ërei perovake amboepɨukata Babilonia pe, opaete Caldeaɨgua reta pe, ikavimbae oyapo reta Sión pe vae re. Che peYa ko jae kuae.

JEREMÍAS 51:44

“Tumpa-raanga Bel amboaita Babilonia pe, anoeta iyuru rupi opa omokoigüe; ngaraa ye ma tëtaguasu reta yogüeru ikotɨ. ¡Babilonia ikësea reta osururuta!

JEREMÍAS 51:48

Ara jare ɨvɨ, jare opaete oime pɨpe vae oyerovia yaeta Babilonia iñamɨri yave, echa ɨvɨtuguasu kotɨ güi yogüeruta imboaia reta. Che peYa ko jae kuae.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

EZEQUIEL 28:16

Jeta yae remaemee vae jeko pegua reyembopɨapochɨ jare ndeyoa. Jáeramo rogüɨnoe romombo cheɨvɨtɨ güi, romombo yasɨtata reta ipɨte güi, nde querubín reporoangarekose vae.

EZEQUIEL 39:10

Mbaetɨta oeka reta yepea ani güeru reta kaa güi, jaeño oapɨ retata tembiporu ñeraro pegua. Omaepɨ̈ro retata omaepɨ̈ro chugüi vae reta güi, ipogüɨrai oeya retata jökorai oporoapo vae reta. Che Tumpa jae kuae.

AMÓS 3:10

YandeYa jei: “Jae reta mbaetɨ oikuaa oyapo jupi vae; oñovatu reta jo kavi reta pe oñomigüe jare opɨ̈rogüe.”

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

HABACUC 2:10

Jökorai reipɨɨ ñemomarai ndero peguarä jare reyapo ndeyeupe aeño rekañɨtei vaerä, jeta tëta guasu reta remokañɨtei ramo, ndeyoa nderekove kotɨ.

HABACUC 2:17

Ɨvɨtɨ Líbano pe opa remokañɨtei ɨvɨra jare mɨmba vae, oyerovata ndeve jare rekɨɨyeta mɨmba pochɨ vae güi rami. Kuae outa reporoyuka jeko pegua, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

ZACARÍAS 1:15

Jare chearasɨ yae aï tëtaguasu reta kïrii ngatu ñogüɨnoi vae kotɨ; echa michiño chearasɨ yave jae reta ombojeiete ikavimbae vae.

ZACARÍAS 14:12

Kuae jae yandeYa iporonupa oyuka vaerä opaete tëta reta oñeraro Jerusalén ndive vae: Jae reta ipire ichuumbita iyemboɨ reve jare jesa reta ichuumbita jesakua pe, jare ikü ichuumbita iyuru pe.

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”