HABACUC 2:5 - Biblia Guarani Tumpa Iñee

⁵ Mbaepuere oipota vae oporombotavɨ ko, kuimbae ipɨapochɨ vae ngaraa oiko avei, oeka reta ikueraimbae reve, jare oipota ye. Iyuru, tëogüe-rɨru rami; yangapɨɨmbae ko, mano rami, jáeramo oë opɨ̈ro opaete tëtaguasu reta.

HABACUC 2:5 ပူးပေါင်းရင်းမြစ်များ

2 REYES 14:10

Añete, remoamɨri ko Edom iñemuña reta jare jókuae pe reyembotuicha. Eyembotuicha, ërei epɨta ndero pe. ¿Maera pa reyemoingeta mbaesusere pe, nde jare Judá pegua reta?”

SALMOS 138:6

Yepe tëi mombɨrɨ ɨvate reï, reyangareko paravete vae re, ërei mombɨrɨ güi reecha ko ipɨayemboete vae.

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 21:24

Oporoyóyai yóyai vae jae ko, ipɨapochɨ vae jare oyembotuicha yae vae, oyembotuicha yae reve mbae oyapo vae.

PROVERBIOS 27:20

Omanogüe reta ñogüɨnoia jare Abadón mbaetɨi ko yangapɨɨ, jökorai ko kuimbae reta imbaepotarai vae mbaetɨi yangapɨɨ.

ECLESIASTÉS 5:10

Korepoti oaɨu yae vae, yangapɨɨä etei jese; oipota yae oikokatu vaerä, ngaraa mai ipɨakatu jókuae güɨnoigüe re. Kuaekuae mbaeä etei vi,

ISAÍAS 14:6

tëtaguasu reta pe oiporarauka yepi iyarasɨ reve vae, oinupa avei yepi vae, iyarasɨ reve oyokuaiasɨ katu yepi tëtaguasu reta vae, oyapo yepi jeta ikavimbae chupe reta vae ipïrimbae reve vae.

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 21:5

Mesa oñono reta ma, jendarä oipɨso reta ma asoya, okaru reta, okau reta. ¡Peyemboɨ, mburuvicha reta, peyapo kavi peyeopiaka reta!

ISAÍAS 5:14

Jáeramo, omanogüe reta ñogüɨnoia oyembopɨguasuta, iyuru tuicha opopirata mbaeporou rami, omókoi vaerä tëta chembae vae jare juvicha reta, jókuae kuimbae reta kau rupi yogüɨreko vae jare iyapirai pɨpe vae reta.

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

JEREMÍAS 51:39

Jakuvo ma yave, ameeta jou mbae oporombosavaɨpo vae, osavaɨpo yae vaerä. Jökorai oketa jekuae avei pegua, ngaraa ye ma okuera. Che peYa ko jae kuae.

HABACUC 1:15

Caldeaɨgua reta oyemombae ïru ɨvɨ re. Yeporaka regua oyemombae jevae re rami, pinda pe oipɨɨ jare pɨsa pe omboa javoi oecha yave oyerovia yae.

HABACUC 1:17

Jökorai, ¿jekuaeñota pa Caldeaɨgua reta oremboa ipɨsa reta pe? ¿Jekuaeñota pa oporoyuka reta oporopararekombae reve?

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

1 Tesalonicenses 4:11

jare peiko pɨagüive avei, peyemoambeko peparavɨkɨ re ae. Peparavɨkɨ pepo pe etei ore poyókuai rami.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”