HABACUC 2:2 - Biblia Guarani Tumpa Iñee

² YandeYa jei cheve körai: “Eikuatía tuyuapo oyemboipegüe re aechaukata ndeve vae, omongeta vae oecha kavi vaerä.

HABACUC 2:2 ပူးပေါင်းရင်းမြစ်များ

ISAÍAS 30:8

Jayave eikuatía añave, kuae mbaembae oasata vae metei ɨvɨra oyemboipegüe re, eikuatía eñono metei tembikuatía pe, kuri peguarä, oporomomaendúa avei vaerä, jekuae avei rupi.

ISAÍAS 8:1

YandeYa jei cheve: “Eipɨɨ metei ɨvɨra oñeopagüe, tuicha vae jare emboyekuaa kavi eikuatía eñono jese Maher-salal-hasbaz.

JEREMÍAS 30:2

“Che, Israel iTumpa jae: Eikuatía metei tembikuatía pe opaete jae ndeve vae,

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 7:1

Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

1 Corintios 14:19

Ërei oporogüɨrovia vae reta ndive aï yave, chekɨ̈reɨ chemiari mbovɨ ñeeño yaikuaa reve kavi vae pe, amboe vaerä ïru vae reta, jeta ambuae ñee reta pe jae vae güi.

2 Corintios 3:12

Jáeramo kuae re rogüɨrovia ramo, romombeu kavi peve roipoɨumbae reve.

DEUTERONOMIO 27:8

Pemboyekuaa kavi ñee reta peikuatía ita re, opaete kuae mborookuai reta.”

DEUTERONOMIO 31:19

Añave, peikuatía kuae tairari, jare pemboe jese Israel iñemuña reta, otairari reta vaerä, jare jókuae tairari timiari cheré Israel iñemuña reta pe.

DEUTERONOMIO 31:22

Jare Moisés oikuatía jókuae ara kuae tairari, jare omboe jese Israel iñemuña reta.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”