HABACUC 2:18 - Biblia Guarani Tumpa Iñee

¹⁸ ¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

HABACUC 2:18 ပူးပေါင်းရင်းမြစ်များ

SALMOS 97:7

Imara reta opaete tumpa-raanga imboetea, oyemboete jókuae re vae reta. ¡Opaete tumpa-raanga reta oa jae jóvai!

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 37:38

Metei ara omboete oï itumpa-raanga Nisroc itupao pe yave, taɨ reta Adramelec jare Sarezer oyuka kɨsepuku pe, jare otekuarai reta ɨvɨ Ararat kotɨ. Taɨ Esar-hadón oguapɨ jekovia pe mburuvicha guasurä.

ISAÍAS 40:19

Ipoki ombaapo vae omondɨkui, mbae iä oyapo vaerä, oro pe oikatu oparavɨkɨ vae oñova oro pe, oyapo karena raɨ korepoti pegua chupe.

ISAÍAS 41:26

¿Kia pa kuae omombeu iyɨpɨ güive voi ma roikuaa vaerä? ¿Kia pa omombeu arakae kuae regua, roikuaa vaerä jupi ko vae? Mbaetɨ ko kia ave omombeu kuae, mbaetɨ kia ave oendu pemombeu kuae regua.

ISAÍAS 42:17

Tumpa-raanga reta re güɨrovia vae reta, mbae iä reta re güɨrovia vae reta, mbae iä reta re oñemotumpa vae reta, imara yaeta opa oyerova reta.”

ISAÍAS 44:12

Jiero pegua mbaravɨkɨ pe oparavɨkɨ vae oipɨɨ tenasa, jare jiero omboakuasɨ güire okua jese martillo pe jare oyapo mbae iä. Ipo pe oyapo jókuae mbaravɨkɨ. Ërei mbaetɨ okaru yave, yɨmbɨaɨ jare jesagüɨrɨ; mbaetɨ ɨ jou yave ipɨtu.

ISAÍAS 45:16

Opaete tovaicho reta oñemomichita jare imara yaeta opɨta. Jare tumpa-raanga iyapoa reta imara yaeta opɨta.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

JEREMÍAS 51:17

Yarakuaambae ko opaete kuimbae reta. Imara opaete tumpa-raanga reta iyapoa, echa jembiapo reta yembotavɨ ko, mbaetɨ jekove.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

JONÁS 2:8

Ikavimbae omomoe vae reta ndeporoparareko güi ko osɨrɨ reta.

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

1 Corintios 12:2

Peikuaa kavi ko kërai ndei peporogüɨrovia mbove, peropa jare peyererajauka tumpa-raanga reta iñeembae pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

JUECES 17:4

Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.

1 SAMUEL 12:21

Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.