HABACUC 2:16 - Biblia Guarani Tumpa Iñee

¹⁶ Nde vi reñemomaraiukata, reguatata osavaɨpo vae rami reyemboeteuka vaerägüe; echa yandeYa oiporaraukata ndeve, jare ndeyemboete oyepoepɨta ñemomarai pe ndeve.

HABACUC 2:16 ပူးပေါင်းရင်းမြစ်များ

SALMOS 75:8

Echa yandeYa ipo pe güɨnoi kopa iyarasɨ pegua, jare vino jayasɨ rai yae oï. Jae opɨyere yave, opaete iyoa vae reta oɨuta jese, opaetei regua omotini.

PROVERBIOS 3:35

Yarakuaa katu vae reta iyekou jae ko mboromboete, ërei yarakuaambae reta oñemomaraiuka.

ISAÍAS 20:4

Jökoraita ko mburuvicha guasu Asiria pegua opa güɨraja tembipɨɨrä Egipto pegua reta jare Etiopía pegua reta, taɨrusu vae jare ndechi, ipɨgüɨraita jare inandita, jevi oyekuaañota, imara reta vaerä.

ISAÍAS 47:3

toyekuaa nderete inandi, toyekuaa nderete renoti tëi reve. Ayepɨta, ngaraa kia ipuere cheopia.”

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

JEREMÍAS 25:15

YandeYa, Israel iTumpa jei cheve: “Eipɨɨ kuae kopa tɨnɨe chearasɨ pe vae, vino pe tɨnɨe rami vae, jare emee toɨu jese opaete tëtaguasu reta romondotaa rupi.

JEREMÍAS 25:17

Che aipɨɨ jókuae kopa yandeYa ipo güi, jare amee oɨu jese opaete tëtaguasu reta jae chemondoa rupi.

JEREMÍAS 51:57

Mburuvicha guasu, yandeYa Imbaepuere yae ete vae jei: “Ambosavaɨpota Babilonia pegua mburuvicha reta, iyarakuaa vae reta jare sundaro ruvicha reta, jare mburuvicha guasu iyɨvɨrigua reta jare sundaro reta; jökorai oketa jekuae avei pegua, ngaraa ye ma okuera.

JEREMÍAS 51:7

Babilonia, kopa oro pegua rami ko chepo pe yepi, ombosavaɨpo opaete ɨvɨ pegua reta vae. Tëtaguasu reta oɨu jókuae vino re, javoi yarakuaambae opɨta reta.

LAMENTACIONES 4:21

¡Pepuka, peyerovia Edom pegua reta, ɨvɨ Uz pe peiko vae! ¡Ërei oväeta vi ndeve kopa arasɨ pegua, ndembosavaɨpota jare regüëeta!

EZEQUIEL 23:33

opata reyemboai, repɨtata tëtagüerä. Nderɨke Samaria oiporara vae, ndembosavaɨpo ramita jare jasɨ katuta ndereeya.

OSEAS 4:7

Jeta yae peñemuña, jökorai vi jeta peyoa, jáeramo che aipoepɨta peyemboetea ñemomarai pe.

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

HABACUC 2:10

Jökorai reipɨɨ ñemomarai ndero peguarä jare reyapo ndeyeupe aeño rekañɨtei vaerä, jeta tëta guasu reta remokañɨtei ramo, ndeyoa nderekove kotɨ.

HABACUC 2:15

¡Paravete, jókuae ombosavaɨpo japicha vae! ¡Paravete, jókuae omee jou jasɨ yae vino vae, echa ombosavaɨpo, omae vaerä jete inandi oï vae re!

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.