HABACUC 2:10 - Biblia Guarani Tumpa Iñee

¹⁰ Jökorai reipɨɨ ñemomarai ndero peguarä jare reyapo ndeyeupe aeño rekañɨtei vaerä, jeta tëta guasu reta remokañɨtei ramo, ndeyoa nderekove kotɨ.

HABACUC 2:10 ပူးပေါင်းရင်းမြစ်များ

1 REYES 2:23

Jare mburuvicha guasu Salomón jei yandeYa jee re: “¡Tumpa täta toiporarauka cheve, echa Adonías jekove kotɨ aeño ko jei kuae ñee reta.

2 REYES 10:7

Jayave kuae tupapire omboresive reta yave, oipɨɨ reta jókuae setenta vae mburuvicha guasu taɨ reta, jare oñaseokɨ̈ti reta; javoi iñäkagüe reta oñono reta kanata pe jare omondo reta tëta guasu Jezreel pe,

2 REYES 9:26

“Che aecha kárumbo Nabot jare taɨ reta jugüɨgüe rami, körai ayapota nde ndive kuae ɨvɨ pe etei. Che peYa jae körai.” Jayave peipɨɨ jare pemombo Nabot iɨvɨ pe yandeYa jei rami.

PROVERBIOS 1:18

ërei jókuae kuimbae reta iyeupe aeño oñono ñuai, jekove aeño omoëgua reta mano pe.

PROVERBIOS 20:2

Mburuvicha guasu iyarasɨ, yaguapope pochɨ yae vae iñee rami ko; mburuvicha guasu omboarasɨuka vae, jaeño ko oyapo iyeupe teko.

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

ISAÍAS 33:11

Peyemongeta reta jare perembiapo reta kapii jare ɨtɨ rami ko; chepɨ̈túe opata omokañɨtei, tata opa oporomokañɨtei rami.

JEREMÍAS 22:30

YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 26:19

¿Mburuvicha guasu Ezequías jare opaete Judá pegua reta oyuka yera Miqueas? Okɨɨye reta yandeYa güi, jare oyerure chupe. Jare yandeYa ¿oipoepɨä yera iyemongeta, oyapota tëi ikavimbae ikotɨ reta vae güi? Jayave yande, ¿yayapota pa ikavimbae yae vae yandekotɨ ae?”

JEREMÍAS 36:31

Jae jare iñemuña reta, jare iyɨvɨrigua mburuvicha reta pe aiporaraukata iyoa jeko pegua. Ambouta jese reta, jare Jerusalén pe yogüɨreko vae reta re jare opaete Judá pegua reta re opaete susere reta amoërakua vae, jae reta mbaetɨ oipota oendu vae.’ ”

JEREMÍAS 44:7

Añave che, peYa Imbaepuere yae ete vae Israel iTumpa, jae: ¿Maera pa peru peyé aeño jókuae ikavimbae yae vae? ¿Maera pa peyukauka opaete Judá pegua kuimbae reta, kuña reta, michia reta, jare oa ramo raɨ vae ave, mbaetɨ etei kia jembɨre regua?

NAHUM 1:14

Ërei ngatu Tumpa oporookuai ndekotɨ, mburuvicha guasu Nínive pegua: “Mbaetɨta neñemuña, nderee agüɨye vaerä ma jërakua; netumpa reta jo güi amboaita mbae iä reta, joko pe opata roñotɨ, echa oñereröɨrogüe ma ko nde.”

HABACUC 2:16

Nde vi reñemomaraiukata, reguatata osavaɨpo vae rami reyemboeteuka vaerägüe; echa yandeYa oiporaraukata ndeve, jare ndeyemboete oyepoepɨta ñemomarai pe ndeve.

NÚMEROS 16:38

iyoa jekove ae kotɨ vae reta ikäti kavi vae incienso oapɨ pɨpe vae; jare tomboipe kavi toyapo chugüi mɨmba oyeyuka oyeapɨ jese vae oñeova pɨpe vaerä; echa pɨpe ko güeru reta güɨrökuavee vaerä cheróvai, oñeñono teegüe ko; jare kuae topɨta Israel taɨ reta oyemomaendúa avei jese vaerä.”

San Mateo 27:25

Jayave opaete vae reta jei: —Ore jare oreñemuña reta re toï teko.