HABACUC 2:1 - Biblia Guarani Tumpa Iñee

¹ Amae ngatuta jare aïndaivita, omaeäro vae rami, aärota, mbae ra jaeta cheYa pe cheñeengeta chupe vae re.

HABACUC 2:1 ပူးပေါင်းရင်းမြစ်များ

2 SAMUEL 18:24

David yepe oguapɨ oï mókoi öke ipäu pe, jare sundaro ɨvate güi omae vae oyeupi o tëta guasu ikësea re oï vae iárambo, jókuae mókoi öke reta ñogüɨnoi vae re katu, jare omopüa iñäka yave oecha metei kuimbae, jaeño osɨi ou oiko vae,

2 REYES 17:9

Israel iñemuña reta oyapo vɨari mbaembae ikavimbae iYa Tumpa kotɨ, omopüa reta iyeupe mbaemboete renda opaete jëta guasu ñavo rupi; sundaro reta tëta oäro vae oyemboɨa ñavo rupi jare tëta guasu reta oñekëse kavía ñavo rupi,

2 REYES 9:17

Jare Jezreel pe maeka ɨvatea güi sundaro omae oï vae, oecha Jehú jare jupiegua reta yogüeru vae osapúkai, jei: —¡Joko yogüeru vae! Jayave Joram jei: —Pemondo jape pe metei kuimbae kavayu regua, oparandu vaerä chupe yogüeru ra mbɨakatu ndive vae.

JOB 31:35

¡Oime mona kia oyeapɨsaka cheré! Aikuatiata opaete jaegüe: Añave Imbaepuere yae ete vae timiari cheré, jare cherovaicho reta toikuatía tupapire cheregua.

JOB 31:37

Che aï kavita Tumpa ndive opaete ayapogüe re, metei mburuvicha re rami ayemboyata ikotɨ.

SALMOS 5:3

CheYa Tumpa, ndeimbove yave eendu cheñee, ndeimbove yave añeñono nderóvai jare aäro.

SALMOS 85:8

Ayeapɨsakata aï cheYa Tumpa jeita vae re; echa imiarita mbɨakatu, imbae vae reta pe jare jupi rupi yogüɨreko vae reta pe, agüɨye vaerä ma oyerova ye ikavimbae kotɨ.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

ISAÍAS 21:5

Mesa oñono reta ma, jendarä oipɨso reta ma asoya, okaru reta, okau reta. ¡Peyemboɨ, mburuvicha reta, peyapo kavi peyeopiaka reta!

ISAÍAS 21:6

Echa yandeYa jei cheve: “Eñono omae vae, omombeu vaerä opaete mbae oechagüe.

ISAÍAS 21:8

Jare jókuae omae vae osapúkai täta: “CheYa, kuae aïa mbaetɨ etei ko aeya ara pe, pɨ̈tu ñavo ko amae ngatu avei aï.

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

EZEQUIEL 3:17

“Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

EZEQUIEL 33:7

Añave nde kuimbae, che roñono sundaro ɨvate güi omae vae rami, Israel iñemuña reta peguarä. Reenduta cheñee jare remombeuta chupe reta cheree re.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

2 Corintios 13:3

Echa pe reta peeka Cristo imiari ra peve che rupi vae. Jae mbaetɨ ko ipuerembae rami peré, imbaepuere yae ko peré.

Gálatas 1:16

oikuaauka cheve Taɨ, che amoërakua vaerä judiombae vae reta pe. Kuae oyeapo yave, mbaetɨ aparandu jese kia pe;