HABACUC 1:9 - Biblia Guarani Tumpa Iñee

⁹ Ojoa rupi opa oporomboai; jenondeve okɨɨye voi ma ñogüɨnoi, jeta yae tembipɨɨ oyapo, ɨguasu jembeɨ pe ɨvɨkuitï oï rami.

HABACUC 1:9 ပူးပေါင်းရင်းမြစ်များ

GÉNESIS 41:49

José omboɨru jeta yae trigo, ɨguasu jembeɨ rupi ɨvɨkuitï oï vae rami; jare jeta yae vae jeko pegua mbaetɨ oyepapa, echa yaipapa rapeä mbaembae reta.

2 REYES 12:17

Jókuae ara rupi Hazael mburuvicha guasu Siria pegua ou oñeraro tëta Gat pegua reta ndive, jare omoamɨri, jaɨkue rupi oasa Jerusalén kotɨ.

JOB 29:18

Jae cheyeupe: “Aikopuku yaeta, chendechi pe ae tamano chero pe.

SALMOS 139:18

Aipapa yave, jeta yae ɨvɨkuitï ɨguasu jembeɨ rupigua güi; jare apa yave, jekuaeño aï nde ndive.

ISAÍAS 27:8

Tumpa oiporarauka tëta imbae vae pe, omondo ɨvɨ ambuae kotɨ, opa omoë omondo ɨvɨtuai pe rami, ɨvɨtuakuvo yae vae pe rami.

JEREMÍAS 15:8

Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 4:11

Jókuae ara rupi jei retata opaete vae reta pe, kuae Jerusalén pegua reta pe. “Ɨvɨtuakuvo ñuu kotɨgua oyepeyu cherëta kotɨ, mbaetɨ ko mbae oyembopiriri vaerä ani mbae oyetɨo vaerä ave;

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

EZEQUIEL 17:10

Yepe tëi oñotɨ pɨau yeta ngaraa ma oyepota; ipiruta ɨvɨtuakuvo oipeyu yave. Opata ipiru jókuae oñeotɨa pe.’ ”

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

DANIEL 11:17

Jaeramiño vi oyeapo kavita opɨ̈ro vaerä opaete ɨvɨ arayevɨ kotɨgua; jokuaerä oyapota morogüɨrökuavee päve joko pegua mburuvicha guasu ndive jare omeeta tayɨ jókuae mburuvicha guasu jembirekorä, omboai vaerä chugüi iporookuaía; ërei ngaraa oë kavi chupe iyemongeta.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

HABACUC 1:17

Jökorai, ¿jekuaeñota pa Caldeaɨgua reta oremboa ipɨsa reta pe? ¿Jekuaeñota pa oporoyuka reta oporopararekombae reve?

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.