HABACUC 1:8 - Biblia Guarani Tumpa Iñee

⁸ Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.

HABACUC 1:8 ပူးပေါင်းရင်းမြစ်များ

JOB 9:26

Oasa jarembae, barco iñäkua rami, güɨraké pɨ̈ta oa jembia re rami.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 48:40

YandeYa jei körai: “Moab jovaicho oporepeña ikotɨ, güɨraké ipepo oipɨso kavi oporepeña rami.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

LAMENTACIONES 4:19

Oreraɨkuemoña vae reta, iñäkua yae ete güɨraké güi; ¡oreraɨkuemoña ɨvɨtɨ rupi! ¡Okätɨro kavi reta ñuu rupi oreré!

EZEQUIEL 17:12

“Eparandu kuae tëta ipɨapochɨ vae pe, oikuaa reta ra kuae oyembojaanga vae re. Ere chupe reta: ‘Mburuvicha guasu Babilonia pegua ou Jerusalén pe oipɨɨ mburuvicha guasu Judá pegua jare iyɨvɨrigua mburuvicha reta, jare opa güɨraja reta jupíe Babilonia pe.

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

EZEQUIEL 26:11

Ikavayu reta re oguatata opaete ndekaye rupi, oyuka retata opaete nerëta ipo, jare omboai retata opaete nderokɨta reta ita pegua.

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

NAHUM 2:5

Mburuvicha guasu oenɨita isundaro reta, jare jae reta oyopete pete tëta guasu ikësea re oporepeña reta yave, jókuae tovaicho reta oñeñono kavi ma oike vaerä tëta guasu pe yave.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

San Mateo 24:28

Echa maerëogüe oïa pe oyemboatɨ uruapúa reta.

San Lucas 17:37

Jayave Jesús jemimboe reta oparandu chupe: —OreYa, ¿kia pe pa oyeapota kuae? Jayave Jesús jei chupe reta: —Maerëogüe oïa pe oyemboatɨta uruapúa reta.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;