HABACUC 1:4 - Biblia Guarani Tumpa Iñee

⁴ Mbaetɨ oyeapo mborookuai jei vae, morojäa mbaetɨ oyeapo jupi rupi, iyoa vae reta omotareɨ jeko kavi vae, jáeramo mbaejupi oikomegua.

HABACUC 1:4 ပူးပေါင်းရင်းမြစ်များ

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

JOB 21:7

¿Maera pa iyoa vae reta jekuaeño oikove, jare indechi pe jekuaeño täta?

SALMOS 11:3

Kuimbae iyeroviaka reta oikomegua yave, ¿mbae pa oyapota jupi oiko vae?

SALMOS 119:126

CheYa Tumpa, eñemopüa mo, echa mbaetɨ oyapo reta ndeporookuai reta.

SALMOS 22:12

Cherovaicho reta cheöva jeta toro rami, Basán pegua toro pochɨ jare ipɨ̈rata vae rami.

SALMOS 22:16

Echa yaɨmba reta rami cheöva reta, jeta jeko kavimbae reta cheöva; omombu reta chepo jare chepɨ.

SALMOS 59:2

Chereepɨ jeko kavimbae reta güi, chereroasayepe oporoyuka vae reta güi.

SALMOS 59:4

Cherekombae reve iyandeko oñemopüa reta cheré. ¡Epa! ¡Eyu kuae aïa pe emae cheré!

SALMOS 94:3

CheYa, ¿kërai yave regua pa iyoa vae reta oyerovia katuta?

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ÉXODO 23:6

Agüɨye perova paravete vae iñeapo chugüi.

ISAÍAS 5:20

¡Peparavete, pe reta pere ikavimbae pe “ikavi vae”, jare ikavi vae pe pere “ikavimbae”; tembipe peipoepɨ pɨtumimbi pe, jare pɨtumimbi peipoepɨ tembipe pe; iro vae peipoepɨ jëe vaerä, jare jëe vae peipoepɨ iro vaerä!

ISAÍAS 59:12

Echa orembaeyoa jeta yae ndekotɨ, oreyoa aeño oñeapo oï oreré; echa ore ndive oï oreyoa reta, roikuaa ikavimbae royapo vae.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

JEREMÍAS 12:6

Echa nderɨkeɨ ani nderɨvɨ jare nerëtara reta ave oñemopüa ndekotɨ, osapúkai púkai ndekotɨ reta. Agüɨye erovia katu, yepe tëi nemomiari kavi reta.

JEREMÍAS 26:8

Jare Jeremías opa ma imiari opaete yandeYa oyókuai jei vaerä opaete vae reta pe yave; sacerdote reta, ñeemombeúa reta jare opaete vae reta oipɨɨ Jeremías, jei reve chupe: “¡Remanota ko añave!

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

OSEAS 10:4

Echa imiari reta yave jei raangaiño oyapo reta morogüɨrökuavee päve; jáeramo teko okuakuaata chupe reta ñana ikavimbae okuakuaa temitɨ ipäu rupi rami.”

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

AMÓS 5:7

¡Pe reta perokomegua jupi vae, jare jupi vae pemombo ko ɨvɨ re!

San Marcos 7:9

Jare Jesús jei vi chupe reta: —Peeya ko Tumpa iporookuai, peyapo vaerä peñemuñagüe reta jeko.

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

Romanos 3:31

Jayave, ¿mborogüɨrovia rupi yamboai ra mborookuai? ¡Mbaetɨ ko! Jeieteño ko ñamomɨ̈rata mborookuai.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.