HABACUC 1:13 - Biblia Guarani Tumpa Iñee

¹³ Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

HABACUC 1:13 ပူးပေါင်းရင်းမြစ်များ

2 SAMUEL 4:11

¡Vɨtei pa pe reta, kuimbae jeko kavimbae reta, peyuka jo pe ae jare oke oï yave metei kuimbae jekombae vae! Jáeramo, ¡amboepɨukata ko peve imano! ¡Opata pomokañɨtei kuae ɨvɨ güi!

1 REYES 2:32

YandeYa ko omboekovia chupe oporoyuka vae; echa oyuka mókoi kuimbae jekombae jare ikavi yae vae reta cheru David oikuaambae reve: Abner, Ner taɨ, sundaro reta itenondegua ete Israel pegua, jare Amasa, Jeter taɨ sundaro reta itenondegua ete Judá pegua.

ESTER 4:14

Echa kïriiño repɨta kuae ara rupi yave, Judáɨgua reta pe outa ko yemborɨ ïkotɨa güi; ërei ngatu nde jare nerëtara reta opata pekañɨtei. ¡Güɨramoi jaerä nde reyeparavo mburuvicha guasu jembirekorä!

JOB 15:15

Mase, Tumpa mbaetɨ güɨrovia katu mbatee iaraɨgua reta re ave, ara reta ave mbaetɨ ikɨambae jesa róvai.

JOB 21:7

¿Maera pa iyoa vae reta jekuaeño oikove, jare indechi pe jekuaeño täta?

JOB 24:23

Tumpa omaeño oiko pɨagüive reta, ërei jae omae opaete oyapogüe reta re.

SALMOS 10:15

Eiyɨva rakɨo jupimbae vae. Eaɨkuemoña jeko kavimbae jeko opa remokañɨ regua.

SALMOS 18:26

Ikɨambae oiko vae pe reyeechaukata ndekɨambae, ërei mbaetɨta neɨ̈ro ipɨapochɨ vae pe.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 35:17

CheYa, ¿kërai yave regua pa remaeiñota reiko cheré? ¡Chereroasayepe iporomokañɨtei reta güi, chereroasayepe yaguapope rami vae reta güi!

SALMOS 35:22

¡CheYa Tumpa, nde reecha ko! ¡Agüɨye nekïrii! ¡Agüɨye eyembosɨrɨ chegüi!

SALMOS 35:25

Agüɨye tei reta ipɨa pe: “¡Jae ko kuae yaipota vae! ¡Jaema ko ñamokañɨtei!”

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 73:3

Añemoägüɨro ramo jókuae ipɨayembotuicha vae reta re, aecha ramboeve kërai yogüɨreko kavi iyoa vae reta.

SALMOS 83:1

CheRu Tumpa, ¡agüɨye kïriiño eï! ¡Agüɨye kïrii epɨta nderenda pe neñeembae!

ISAÍAS 21:2

Yavaete ko, Tumpa oechauka cheve vae: Omaepɨ̈ro vae, omaepɨ̈ro; oporomboai vae, ombaemboai. ¡Pepüa, ɨvɨ Elam pegua reta! ¡Peporepeña, Media pegua reta! ¡Jäse vae reta amokïrii ma!

ISAÍAS 24:16

Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 64:12

OreYa Tumpa, opaete kuae mbaembae oasa reve ¿mbaetɨta ra mbae reyapo? ¿Nekïriiñota ra, jekuaeñota ra orembopɨatɨtɨ yae?

LAMENTACIONES 3:36

mbaetɨ jupi vae oyeapo kuimbae pe vae; opaete kuaekuae Tumpa pe mbaetɨ etei ko jaekavi.

HABACUC 1:14

¿Maera pa kuimbae reta re remaeiño jevae ɨguasu rupigua re rami, mɨmba michi raɨ yae vae iyangarekoambae re rami?

ZACARÍAS 8:17

Jare metei ave pegüi agüɨye peyemongeta pɨ̈chɨi pepɨa pe perapicha kotɨ, agüɨye pemomora mbae pere añetete rami Tumpa jee re ave; echa opaete kuae mbaembae ko aröɨro, jei yandeYa.”

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

DEUTERONOMIO 23:15

Metei tembiokuai otekuarai yave iya güi jare ojo oiporu peve oñepɨ̈ro vaerä peré yave, agüɨye pemee ye iya pe.