HABACUC 1:12 - Biblia Guarani Tumpa Iñee

¹² CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

HABACUC 1:12 ပူးပေါင်းရင်းမြစ်များ

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

2 REYES 19:25

¿Mbaetɨi pa peikuaa che, Tumpa arakae güiveño mai ko ayapo kuaekuae vae, jare ɨmaño mai ko ayemongeta aiko jese vae? Jáeramo añave rogüeruruka, nde opa vaerä remboai tëta guasu reta oñekëse kavi yae vae, jare opata reeya tëtagüerä.

SALMOS 102:24

Jare jae: “CheRu Tumpa, agüɨye chereekɨ ndei etei ɨma aikove aiko mbove.” ¡Nde neaño reta opambae ko!

SALMOS 118:17

¡Ngaraa amano, aikoveta ko, amoërakua vaerä yandeYa oyapogüe reta!

SALMOS 149:2

Israel iñemuña reta, peyerovia peApoa re; Sión pegua reta, peyerovia peRuvicha guasu re.

SALMOS 17:13

Epüa cheYa Tumpa, ¡eë eñoraro jae reta ndive, emoamɨri reta! Chereepɨ jeko kavimbae reta güi ndekɨsepuku pe,

SALMOS 18:1

¡Roaɨu, cheYa Tumpa! Chepɨ̈rata nderé vae.

SALMOS 74:12

Arakae güive nde Tumpa, jae ko cheruvicha guasu, ɨvɨ pe jeta reporogüɨroasayepe vae ko nde.

SALMOS 90:1

OreYa, nde reiko oreve oreñepɨ̈rokarä, jekuae kuae avei rupi.

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

SALMOS 93:2

Jayave güive ko mburuvicha guasu nde; ¡nde ko reiko avei vae!

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

ISAÍAS 40:28

¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

ISAÍAS 43:15

Che ko peYa Iyoambae, Israel iyapoa, peRuvicha guasu.”

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

JEREMÍAS 5:18

YandeYa jei: “Jókuae ara, ngaraa opaetei amokañɨtei Judá pegua reta.

LAMENTACIONES 5:19

Ërei nde cheYa, reporookuai jekuae avei pegua; ¡ndeporookuaía oiko jekuae avei pegua!

EZEQUIEL 30:25

Amopɨ̈ratata mburuvicha guasu Babilonia pegua iyɨva reta, ërei Faraón iyɨva reta jëogüeta. Che añono yave chekɨsepuku mburuvicha guasu Babilonia pegua ipo pe, jare jae opüa yave Egipto pegua reta re, jayave oikuaa retata che ko jae Tumpa vae.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

HABACUC 3:6

Jae oyemboɨ yave ɨvɨ okana tëta guasu ipo reta orɨrɨi jae omae jese reta yave; ɨvɨtɨ guasu reta ñɨma yae vae osururu jare opa oyemboai; Tumpa jemimbota reta ko opambae.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

MALAQUÍAS 3:6

“Echa, che peYa ayepoepɨmbae ko. Jáeramo ko, pe Jacob iñemuña reta mbaetɨ opa pekañɨtei.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 33:27

Tumpa oikove avei vae ko jae peñepɨ̈roka, imbaepuere opambae ko peñepɨ̈roa; jae ko ombotekuarai perenonde güi tovaicho reta, jare peokuai pemboai vaerä.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!