HABACUC 1:10 - Biblia Guarani Tumpa Iñee

¹⁰ Oyóyai yóyai mburuvicha guasu reta jare mburuvicha reta imboetea yae vae, oyóyai tëta guasu ikësea, oyapo yeupika oike reta vaerä.

HABACUC 1:10 ပူးပေါင်းရင်းမြစ်များ

2 REYES 24:12

Jayave Joaquín mburuvicha guasu Judá pegua oë oövaiti mburuvicha guasu Babilonia pegua; jae jare ichɨ, jare iyɨvɨrigua reta, itenondegua juvicha reta, jare isundaro ruvicha reta; mburuvicha guasu Babilonia pegua oipɨɨ, juri año ma oiko mburuvicha guasurä yave.

2 CRÓNICAS 36:10

Año oväe ye vae re, mburuvicha guasu Nabucodonosor ombou güɨrajauka Babilonia pe, tembiporu reta jepɨ yae vae yandeYa jo pegua ndive, jare jëtara Sedequías omboguapɨ mburuvicha guasurä Judá jare Jerusalén re.

2 CRÓNICAS 36:6

Jare Nabucodonosor mburuvicha guasu Babilonia pegua oporepeña jese jare oipokua karena jiero iyu vae pegua pe güɨraja Babilonia pe.

ISAÍAS 10:9

Cheveguarä, oyovakeño ko tëta guasu Calno tëta guasu Carquemis ndive, tëta guasu Hamat oyovake ko tëta guasu Arfad ndive, tëta guasu Samaria oyovakeño ko tëta guasu Damasco ndive, tëta guasu amoamɨrigüe reta.

ISAÍAS 14:16

Ndereecha vae reta, oyemboɨta omae nderé, jare jei retata: ‘¿Jae pa kuae kuimbae omborɨrɨi yepi ɨvɨ vae, opa yepi omboai tëtaguasu reta vae,

ISAÍAS 37:13

¿Nemaeduaä yera mburuvicha guasu Hamat pegua, Arfad pegua, Sefarvaim pegua, Hena pegua jare Iva pegua re?”

JEREMÍAS 30:5

Jei körai: “¡Aendu täse kɨɨye pegua, mbaetɨ mbɨakatu pegua!

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 33:4

Che ndeYa, Israel iTumpa, amombeu ndeve Jerusalén jare mburuvicha guasu reta jëta Judá pegua regua, jókuae oyemboaita tembiporu ñeraro pegua jare yɨɨ pe oï vae. Ñogüɨnoe oñeraro vaerä jókuae Caldeaɨgua reta oporepeña tëta re vae ndive yave, omano vaeräño ko ñogüɨnoeta. Echa chearasɨ yae jeko pegua ameeta omano reta vaerä, echa kuae tëta güi ayembosɨrɨ, ikavimbae yae vae oyapo reta jeko pegua.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

EZEQUIEL 26:8

Jare nerëta raɨ reta ñogüɨnoi ɨguasu jembeɨ rupi vae, opata omboai reta kɨsepuku pe. Omopüata maeka ɨvate vae reta neova vaerä, omopüata yeupika oike reta vaerä ndeve, jare omondota sundaro reta yeopiaka reve reve ndeve.

SOFONÍAS 1:8

YandeYa jei: “Jókuae ara cheporoyuka ou oväe yave, aiporaraukata mburuvicha reta pe, mburuvicha guasu taɨ reta pe, jare temimonde ketɨgua omonde vae reta pe.