GÉNESIS 8:1 - Biblia Guarani Tumpa Iñee

¹ Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

GÉNESIS 8:1 ပူးပေါင်းရင်းမြစ်များ

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

GÉNESIS 30:22

Jare Tumpa imaendúa Raquel re oendu chupe iyerure, jare omee chupe imembɨ vaerä.

GÉNESIS 9:10

jare opaete oikove vae ñogüɨnoi pe ndive vae reta: Güɨra reta, opaete mbaemɨmba arca güi oë pe ndive vae güive opaete mbaemɨmba ɨvɨ pegua.

NEHEMÍAS 13:14

¡CheRu Tumpa: Nemaendúa kuae ayapogüe re, agüɨye neakañɨ ikavi vae ayapo kuae ndero jo kotɨ vae, jare mbaemboete oñemee pɨpe vae kotɨ vae!

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:29

¡CheRu Tumpa: Agüɨye neakañɨ kuae omongɨa sacerdote pegua mbaravɨkɨ vae, jare morogüɨrökuavee päve oyeapo sacerdote reta jare levita reta peguarä vae!

NEHEMÍAS 13:31

jare opaete vae reta güeru vaerä mbaagüɨyerɨpɨ reta vae, jare kërai yave güeru reta vaerä mbota yepea vae. ¡CheRu Tumpa! ¡Nemaendúa cheré ikavi vae rupi!

JOB 12:15

Jae omombɨta ama yave, opa mbae ipiru, omongɨ yave, oyeapo ɨporu.

JOB 14:13

Aipotaecha chemoñemi omanogüe reta ñogüɨnoia pe, jae cheöva vaerä ndearasɨ oasa regua, rembojee ara nemaendúa vaerä cheré vae regua.

SALMOS 105:42

Echa imaendúa ñererökuavee ikɨambae oyapo jembiokuai Abraham pe vae re.

SALMOS 106:4

CheYa Tumpa, nemaendúa cheré reyapo yave ikavi vae ndembae vae reta pe; nemaendúa cheré reyu reporogüɨroasayepe yave,

SALMOS 115:12

¡YandeYa imaendúa yanderé, iporerekuata ko yanderé! Iporerekuata ko Israel iñemuña reta re, iporerekuata ko Aarón iñemuña sacerdote reta re,

SALMOS 132:1

CheYa Tumpa, nemaendúa David re, opaete ipɨatɨtɨ reta re.

SALMOS 136:23

Jae mbaetɨ iñakañɨ yandegüi mbɨatɨtɨ guasu pe ñaï yave, echa iporoparareko jekuae avei vae ko.

SALMOS 137:7

CheYa Tumpa, nemaendúa Edom iñemuña reta re, Jerusalén oyemboai yave jei reta: “¡Pemboai, pemboai iguapɨka reve!”

SALMOS 29:10

YandeYa güɨnoi mbaepuere güeru vaerä ɨporu guasu; ¡yandeYa oiko mburuvicha guasurä jekuae avei pegua!

SALMOS 36:6

Ndembaejupi ndeɨvɨtɨ guasu rami ko; neporojäa reta ɨguasu tɨpɨ yae vae rami, cheYa Tumpa, nde reñovatu kuimbae jare mɨmba.

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 15:10

Ërei reipeyu ndeɨvɨtu pe, jare ɨguasu opa oyasoi reta; opa opɨta ɨ rugua yavaete yae vae pe, jiero oa ɨ rugua pe rami.

ÉXODO 2:24

Tumpa oendu jae reta güɨroäse yeokuaiasɨ katu vae, jare imaendúa morogüɨrökuavee päve oyapo Abraham, Isaac jare Jacob ndive vae re.

PROVERBIOS 25:23

Ɨvɨtuguasu kotɨgua ɨvɨtu omaeñoä okɨ; jökorai ko indaye pota vae re, jova arasɨ omae vae.

ISAÍAS 44:27

Che chepuere opa omondɨpa ɨguasu jare ɨ̈aka reta.

JEREMÍAS 50:38

¡Titɨpa iɨ̈aka reta; opa totini chugüi reta! Echa Babilonia jae ko tëtaguasu itumpa-raanga pota yae vae, jókuae rupi oyembopɨajopa reta.

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

JONÁS 4:11

Jare che, ¿aiparareko potaa pa Nínive jókuae tëta guasu tuicha yae vae, joko pe oime oasa ciento veinte mil michia reta mbaetɨ vɨteri oikuaa ikavi vae jare ikavimbae vae jare jeta mɨmba reta?

NAHUM 1:4

Oñeengata ɨguasu pe jare opa omotini. Opa omotini opaete ɨ̈aka. Basán pegua ko reta jare ɨvɨtɨ Carmelo opa otini, Líbano pegua mbaepotɨ reta opa ipiru.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

ZACARÍAS 10:11

Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

NÚMEROS 10:9

Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

NÚMEROS 22:32

Jare yandeYa iaraɨgua jei chupe: —¿Maera pa reinupa ma mboapɨ ye ndemburika? Mase, che ko aë tape pe nderovaichorä, echa ikaviä ko cheve kuae reyapo vae.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.

1 SAMUEL 1:19

Jare ndeimbove yave opüa omboete reta yandeYa, jare opa ye yogüɨraja reta jëta kotɨ Ramá pe. Jare Elcana güɨroke jembireko Ana; jare yandeYa oyapo jókuae oiporu chupe vae.