GÉNESIS 50:25 - Biblia Guarani Tumpa Iñee

²⁵ Jare José oyapouka Israel taɨ reta pe ñererökuavee Tumpa rovake oyapo reta vaerä, jei reve: “Añetete Tumpa outa pemborɨ, jare pe reta perajauka kuri kuae güi cheretegüe.”

GÉNESIS 50:25 ပူးပေါင်းရင်းမြစ်များ

GÉNESIS 50:5

“Cheru omanota ma yave oyapouka cheve ñererökuavee Tumpa rovake ayapo vaerä, körai jei: ‘Mase, ko che amanota ma, Canaán pe ayoouka ɨvɨkua tɨvɨarä vae pe cheñotɨta.’ Pomoñera añave aja vaerä cheru añotɨ joko pe, jare ayu yeta.”

ÉXODO 13:18

Jáeramo Tumpa güɨraja ñuu rupi tape ojo Ɨguasu Pɨ̈ta vae kotɨ vae rupi, jokoropi oyere reta vaerä yogüɨraja. Jare ñogüɨnoe Israel iñemuña reta Egipto güi jembiporu ñeraro pegua reve reve.

ÉXODO 13:19

Jayave Moisés güɨraja José jetegüe, jae güɨrökuaveeuka Israel iñemuña reta pe güɨraja vaerä jetegüe, jei reve: “Añetete Tumpa outa perenoe, jare perajata kuri jetegüe perupíe.”

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

Hechos 7:16

Jare opa jetegüe reta oyereru Siquem pe, joko pe oñotɨ reta tɨvɨa pe, Abraham ɨvɨ ogua Hamor taɨ reta güi vae pe.

Hebreos 11:22

Iporogüɨrovia rupi José omanota ma yave, jei Israel pegua reta pe oëta ko yogüɨraja Egipto güi vae; jare oyókuai reta jetegüe re.

JOSUÉ 24:32

Israel iñemuña reta oñotɨ Siquem pe José jetegüe, Egipto güi güeru reta vae, Jacob ogua ɨvɨ Hamor iñemuña reta güi cien reare korepoti pegua pe, Siquem tu güi; jókuae opɨta José iñemuña reta imbaerä.

RUT 1:6

Jayave oyemongeta oyerova ye vaerä imembɨtatɨgüe reta ndive ɨvɨ Moab güi; echa jërakua chupe, Tumpa iporomborɨ rupi oime ye ma tembíu jókuae jëtagüe pe.