GÉNESIS 50:24 - Biblia Guarani Tumpa Iñee

²⁴ Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

GÉNESIS 50:24 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 13:17

¡Añave, epüa jare ekua emae kuae ɨvɨ ipukugüe re jare ipɨguasugüe re, echa ameeta ko ndeve!”

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

GÉNESIS 15:7

Jei chupe: —Che ko ndeYa, rogüɨnoe tëta Ur güi Caldeaɨgua reta iɨvɨ güi vae, amee vaerä ndembaerä kuae ɨvɨ.

GÉNESIS 15:8

Abram jei: —¡CheYa! ¿Kërai pa chepuereta aikuaa kuae ɨvɨ chembae ko vae?

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 21:1

YandeYa opou Sara pɨri jae jei rami, jare oiparareko Sara, jae omoërakua rami,

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

GÉNESIS 35:12

Ɨvɨ amee Abraham pe jare Isaac pe vae, amee vi ndeve, jare nderaɨkue rupi ameeta neñemuña reta pe.”

GÉNESIS 46:4

Che ajata nde ndive Egipto pe, jare che vi anoe yeta joko güi neñemuña reta. José oïta nde ndive remano yave.

GÉNESIS 47:29

Jare oväe ara Israel omano vaerä yave, oenɨi taɨ José, jare jei chupe: —Añetete ndepɨakatu ko chekotɨ yave, romoñera reñono vaerä ndepo cheu päu pe, jare eyapo che ndive mboroparareko jare jupi vae. ¡Romoñera agüɨye vaerä cheñotɨ Egipto pe!

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

GÉNESIS 50:5

“Cheru omanota ma yave oyapouka cheve ñererökuavee Tumpa rovake ayapo vaerä, körai jei: ‘Mase, ko che amanota ma, Canaán pe ayoouka ɨvɨkua tɨvɨarä vae pe cheñotɨta.’ Pomoñera añave aja vaerä cheru añotɨ joko pe, jare ayu yeta.”

JOB 30:23

Echa che aikuaa ko chereraja mano kotɨ, opaete oikove vae reta yogüɨraja ñogüɨnoia kotɨ.

ÉXODO 12:41

jare cuatrociento treinta año oasa yave, jókuae ara etei yandeYa imbae reta jeta yae vae opa ñogüɨnoe ɨvɨ Egipto güi.

ÉXODO 12:51

Jókuae ara etei yandeYa güɨnoe ɨvɨ Egipto güi Israel iñemuña reta, ñemuña ñavo rupi kavi.

ÉXODO 13:19

Jayave Moisés güɨraja José jetegüe, jae güɨrökuaveeuka Israel iñemuña reta pe güɨraja vaerä jetegüe, jei reve: “Añetete Tumpa outa perenoe, jare perajata kuri jetegüe perupíe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 33:1

YandeYa jei Moisés pe: —Ekua. Opa eraja opaete ɨvɨ Egipto güi renoe vae reta, ɨvɨ che arökuavee amee vaerä Abraham, Isaac, jare Jacob pe vae pe, jae reve: Peñemuña reta pe ameeta.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

ECLESIASTÉS 12:5

ɨvɨtɨ rupi okɨɨyeta oguata jare tape rupi ave okɨɨyeta oguata. Temitɨ almendra ipotɨta, tuku oikota mbaemboavairä, mbaetɨta ma ipɨ̈rata. Echa kuimbae ojo, oikotaa pe jekuae avei pegua, jare kaye rupi oyeenduta, oapïro vae reta.

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

NÚMEROS 32:11

opaete Egipto güi ñogüɨnoe yave, veinte año vae güi kutɨ ngaraa oike reta ɨvɨ güɨrökuavee jee re Abraham, Isaac jare Jacob pe vae pe, mbaetɨ yogüɨreko jupi rupi jeko pegua.

Romanos 5:12

Jáeramo, mbaeyoa oike kuae ɨvɨ pe metei kuimbae rupi. Jare mano oike jókuae mbaeyoa rupi. Jökorai mano ou opaete vae pe. Echa opaete vae iyoa.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

Hebreos 11:22

Iporogüɨrovia rupi José omanota ma yave, jei Israel pegua reta pe oëta ko yogüɨraja Egipto güi vae; jare oyókuai reta jetegüe re.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

JOSUÉ 24:32

Israel iñemuña reta oñotɨ Siquem pe José jetegüe, Egipto güi güeru reta vae, Jacob ogua ɨvɨ Hamor iñemuña reta güi cien reare korepoti pegua pe, Siquem tu güi; jókuae opɨta José iñemuña reta imbaerä.