GÉNESIS 50:21 - Biblia Guarani Tumpa Iñee

²¹ Añave, agüɨye pekɨɨye; che ameeta pekaru vaerä, jare pemichia reta okaru vaerä. Jökorai José ombopɨakatu reta, echa omomiari mboroaɨu reve.

GÉNESIS 50:21 ပူးပေါင်းရင်းမြစ်များ

GÉNESIS 34:3

Ërei ngatu, iporopota yae jese, oeka kërai güɨreko vaerä.

GÉNESIS 45:5

jare añave agüɨye peyembopɨatɨtɨ jare agüɨye peyemboeko chemee vae re; echa Tumpa etei ko chembou perenonde aroasayepe vaerä tekove reta.

GÉNESIS 47:12

Jare José omongaru tu jare tɨkeɨ reta, opaete jo pegua reta ndive, imichia reta güɨnoi rupi.

GÉNESIS 50:22

Jare oiko José Egipto pe; jae jare tu, jare tu iñemuña reta vi; jare oikove José ciento diez año.

2 CRÓNICAS 30:22

Jare Ezequías oyapo yasoropai opaete levita reta oechauka kërai oyeokuai yandeYa pe vae reta pe. Javoi okaru reta arete chiu ara vae pe, omee reta reve mɨmba oyeyukagüe yembopɨakatu pegua jare omee reta reve yasoropai yandeYa pe, iñemuñagüe reta iTumpa pe.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Mateo 6:14

Echa peɨ̈ro iyoa pekotɨ vae reta pe yave, peRu ara pe oï vae iñɨ̈rota vi peve peyoa reta re.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

JUECES 19:3

jókuae levita ojo oeka omomiari vaerä mboroaɨu ndive güeru ye vaerä jupíe. Güɨraja vi jupíe metei jembiokuai, jare mókoi mburika; jare jókuae kuña omoinge ime tu jo pe.