GÉNESIS 50:17 - Biblia Guarani Tumpa Iñee

¹⁷ Körai pere José pe: ‘Neɨ̈ro nderɨkeɨ reta pe opaete ikavimbae oyapo ndeve vae jare iyoa reta re.’ Jáeramo añave romoñera neɨ̈ro vaerä ikavimbae yae royapo vae re, echa nderu iTumpa jembiokuai ko ore.” Ñee omombeu vae reta imiari ñogüɨnoi ramboeve José oyaeo ma.

GÉNESIS 50:17 ပူးပေါင်းရင်းမြစ်များ

GÉNESIS 31:42

Abraham iTumpa jare cheru Isaac oipoɨu chugüi vae mbaetɨ ko oiko che ndive yave, chepogüɨraita tëi ko chembou; ërei ngatu Tumpa oecha aiporaragüe jare cheparavɨkɨ ramo pɨare oñeengata ndeve.

GÉNESIS 45:8

Jayave mbaetɨ ko pe reta chembou kuae kotɨ, Tumpa etei ko chembou jare cheñono Faraón imborɨarä, jo pegua reta iyarä, jare opaete kuae ɨvɨ Egipto juvicharä.

GÉNESIS 49:25

¡Yasoropai nderu iTumpa pe, jae ndemborɨta, Tumpa imbaepuere yae ete vae jee re, jae iporerekuata nderé! ¡Iporerekuata ɨvate güi, okɨ katu vae rupi! ¡Iporerekuata ɨvɨ ñäkɨ ngatu vae rupi! ¡Jare iporerekuata reñemuña ngatu vaerä!

GÉNESIS 50:16

Jayave omondo reta jei José pe: “Nderu oreokuai ndei omano mbove, jei reve:

GÉNESIS 50:18

Yogüeru vi tɨkeɨ reta oyetavatɨka itindɨasɨ jóvai, jare jei reta: —Ko roï, oreapo nderembiokuairä.

GÉNESIS 50:20

Pe reta peyemongeta ikavimbae chekotɨ, ërei Tumpa oipoepɨ ikavimbae vae ikavi vae pe, oyeapo vaerä añave yaecha vae, oasayepe vaerä jeta tekove.

SALMOS 21:11

Echa oipota tëi oyapo reta ikavimbae vae ndeve, oyomboemboe reta, ërei ngaraa ipuere reta.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

San Mateo 10:42

Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”

San Mateo 18:35

Jökoraita vi cheRu ara pe oï vae oyapo pe ndive, mbaetɨ peɨ̈ro yave opaete pepɨa reve perëtara ombaeyavɨ pekotɨ vae pe.

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Marcos 10:41

Jare ïru payandepo Jesús jemimboe reta kuae oendu yave, pochɨ reta Jacobo jare Juan kotɨ.

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

Gálatas 6:16

Jare opaete kuae tekove ipɨau vae re yogüɨreko vae ndive toï Tumpa ipɨakatu jare iporoparareko, jare opaete Israel pegua reta Tumpa imbae vae ndive.

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.