GÉNESIS 5:22 - Biblia Guarani Tumpa Iñee

²² Enoc oiko Tumpa jemimbota rupi. Jare oiko taɨ Matusalén oa güire tresciento año, oa vi chupe ïru taɨ reta jare tayɨ reta;

GÉNESIS 5:22 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 24:40

Jayave cheya Abraham jei: “YandeYa jae ndive aguata vae omondota iAraɨgua nde ndive, jae ndereraja kavita cherëtara reta pɨri, cheru jëta pe, joko güi reruta kuña cheraɨ peguarä.

GÉNESIS 48:15

Jare körai jei ñee kavi José kotɨ: “Tumpa, jae jemimbota rupi oguata cheramɨi Abraham jare cheru Isaac vae. Jae cheangareko aiko güive añave regua.

GÉNESIS 5:21

Enoc güɨnoi sesenta y cinco año yave oa chupe taɨ Matusalén.

GÉNESIS 5:23

opaete ara Enoc oikove oiko vae tresciento sesenta y cinco año.

GÉNESIS 5:24

Enoc oiko Tumpa jemimbota rupi kavi, metei ara okañɨ echa Tumpa güɨraja.

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

1 REYES 2:4

Oyeapo vaerä yandeYa iñee oñererökuavee cheve yave jei vae, echa jei: “Nderaɨ reta oyapo yave cheremimbota, oiko reve jupi rupi cheróvai opaete ipɨa ndive jare opaete jekove ndive, ngaraa oata kuimbae neñemuña güi oguapɨ vaerä mborookuaía Israel pegua pe.”

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

SALMOS 116:9

Taiko nde rerea re cheYa, aiko ramboeve kuae ɨvɨ pe, oikove vae reta ipɨte pe.

SALMOS 128:1

Oyerovia ko opaete Tumpa güi oipoɨu vae, jókuae jemimbota rupi oiko vae.

SALMOS 16:8

Ambotenonde avei cheYa, echa oiko avei cheɨke pe, ngaraa chemongúe vae.

SALMOS 26:11

Ërei che aikota jupi rupi; ¡chereepɨ, cheparareko!

SALMOS 56:13

Echa chereroasayepe mano güi, jare agüɨapi vaerägüe güi, aguata vaerä nderóvai, oikove vae reta ipɨte pe.

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

AMÓS 3:3

¿Oguata päveta pa mókoi kuimbae reta, mbaetɨ reve yogüɨreko kavi?

MIQUEAS 4:5

Yepe tëi opaete ïru vae reta metei ñavo yogüɨreko itumpa re aeño; ërei ore, opaete reve roikota oreYa Tumpa re aeño, iyapɨmbae, jekuae avei pegua.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

MALAQUÍAS 2:6

Mborookuai añete vae re oporomboe kavi reta, jare mbaetɨ oñeväe jese reta ikavimbae, mbɨakatu rupi jare jupi rupi yogüɨreko che ndive, jare jeta vae ombosɨrɨuka ikavimbae güi.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

1 Corintios 7:17

Ërei metei ñavo toiko yandeYa omee chupe vae rupi. Metei ñavo toiko Tumpa oenɨi oyemboasauka vaerä yave oiko rami. Jare jökorai ayókuai opaete oporogüɨrovia vae reta.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 28:9

Peendu jare peyapo yave yandeYa Tumpa iñee, jae pererekota metei tëta oñeñono tee vae imbaerä, oñererökuavee jee re peve rami.

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.