GÉNESIS 49:8 - Biblia Guarani Tumpa Iñee

⁸ Judá, ndemboeteta nderɨvɨ reta. Ndembaepuereta nderovaicho reta re, nderu taɨ reta oyetavatɨkata nderóvai.

GÉNESIS 49:8 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

GÉNESIS 29:35

Jekuae ipurúa ye jare oa imembɨ, jare jei: “Kuae re amboeteta cheYa.” Jare ombojee Judá. Jare imembɨ poi.

GÉNESIS 42:6

Jare José ko jae mburuvicha jókuae ɨvɨ pe, jae omaemee opaete tëta ɨvɨ pegua pe; jayave opa yogüeru oväe tɨkeɨ reta José oïa pe, jare itindɨasɨ reta ɨvɨ re jóvai.

GÉNESIS 46:12

Judá taɨ reta jae ko: Er, Onán, Sela, Fares jare Zara. Ërei Er jare Onán omano Canaán pe. Fares taɨ reta jae ko: Hezrón jare Hamul.

2 SAMUEL 22:41

Rembotekuarai cherovaicho reta chegüi, amokañɨtei vaerä chemotareɨ vae reta.

2 SAMUEL 24:9

Jare Joab omee mburuvicha guasu pe oipapagüe vae regua; opaete reve kuimbae reta Israel pegua ipuere ma ñeraro pe yogüɨraja vae, ochociento mil, jare Judá pegua reta quiniento mil.

2 SAMUEL 5:3

Yogüeru opaete Israel iñemuña itenondegua reta mburuvicha guasu David pɨri Hebrón pe, jare mburuvicha guasu David oyapo morogüɨrökuavee päve jae reta ndive joko pe yandeYa jóvai; jare omboguapɨ reta David mburuvicha guasurä Israel iñemuña reta pe.

1 CRÓNICAS 28:4

Ërei ngatu yandeYa Israel iTumpa cheparavo opaete cherëtara reta ipɨte güi aiko vaerä mburuvicha guasurä Israel re jekuae avei pegua. Echa jae oiparavo ñemuña Judá mburuvicharä, jare Judá iñemuña güi oiparavo cheru, jare cheru taɨ reta güi che cheparavo aiko vaerä mburuvicha guasurä opaete Israel re.

2 CRÓNICAS 14:8

Asa güɨnoi sundaro reta yeopiaka jare mii reve reve: Judá pegua reta tresciento mil jare Benjamín pegua dosciento ochenta mil, opareve güɨnoi yeopiaka jare uvɨ, opaete reve jókuae kuimbae reta jesegua katuai.

2 CRÓNICAS 15:9

Kuae jaɨkue rupi omboatɨ opaete Judá jare Benjamín pegua reta jare ketɨ güi yogüeru yogüɨreko jae reta ndive vae, jae ko: Efraín, Manasés jare Simeón iñemuña pegua reta, echa jeta ɨvɨ Israel pegua reta oasa Asa oïa kotɨ, echa oecha reta yandeYa Tumpa oï jae ndive.

2 CRÓNICAS 17:2

Oñono sundaro reta opaete tëta guasu reta jëguambae oï Judá pe vae rupi, jare sundaro reta omae vae opaete ɨvɨ Judá rupi, jaeramiño vi tëta guasu reta Efraín pegua tu Asa opɨ̈rogüe rupi.

2 CRÓNICAS 30:11

Ërei jeseve amogüe kuimbae reta ɨvɨ Aser pegua, ɨvɨ Manasés pegua jare ɨvɨ Zabulón pegua oñemomichi Tumpa kotɨ jare yogüeru Jerusalén pe.

SALMOS 76:1

Tumpa regua, Judá pegua reta oikuaa kavi yae; Israel pe jërakua yae ko jee.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

EZEQUIEL 21:29

Omoërakua ndeve vae añetembae ko, imbaekuaa vae maratuta vae re omombeu ramiño ko, apu ko. Kɨsepuku pe opata oñeaseokɨ̈ti jókuae oporoyuka vae reta. Köiño ma ou ara oiporara reta vaerä.

NÚMEROS 1:27

Judá iñemuña reta güi oyepapagüe jae ko setenta y cuatro mil seisciento.

NÚMEROS 10:14

Tenonde ete omboɨpɨ oguata Judá iñemuña reta jeyupa ibandera, oyoaɨkue yoaɨkue reve kavi; Naasón, Aminadab taɨ jae ko jae reta juvicha.

NÚMEROS 26:20

Judá taɨ reta jeta oñemuña chugüi vae jae ko: Sela, Fares jare Zera.

NÚMEROS 26:22

Kuae ko jae Judá iñemuña reta; chugüi reta oyepapa setenta y seis mil quiniento.

DEUTERONOMIO 33:7

Judá iñemuña reta peguarä jei: “CheYa, eendu Judá iñemuña reta iñee; eraja ye iɨvɨ kotɨ. Toyeepɨ ipo pe, nde emborɨ jovaicho reta re.”

Hebreos 10:13

Jare oguapɨ joko pe güive, oäro oï Tumpa opa regua jovaicho reta oñono ipɨ igüɨ pe,

JOSUÉ 10:24

Jare güeru reta Josué pe yave, jae oenɨi opaete Israel iñemuña reta, jare jei mburuvicha ñeraro regua reta jae ndive yogüeru vae reta pe: “Peyu kuae kotɨ jare peñono pepɨ kuae mburuvicha guasu reta iyaseo re.” Jare jókuae mburuvicha reta jökorai oyapo.

JOSUÉ 15:20

Kuae reta ko jae Judá iñemuña reta iɨvɨ, omboyao iyeupe reta jëtara ñavo rupi vae.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 5:5

Jayave metei tenondegua okuakuaa vae reta güi jei cheve: “Agüɨye eyaeo. Mase, Judá iñemuña reta pegua yaguapope rami vae, David iyɨpɨ oporomoamɨri oyora vaerä chiu tembikuatía imboyaa jare oipea vaerä.”

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.