GÉNESIS 49:10 - Biblia Guarani Tumpa Iñee

¹⁰ Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

GÉNESIS 49:10 ပူးပေါင်းရင်းမြစ်များ

2 SAMUEL 7:13

Jae omopüata metei o cheve, jare che ameeta oiko avei vaerä iporookuaía.

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

1 CRÓNICAS 12:24

Judá iñemuña reta güi, seis mil ochociento kuimbae iyeopiaka reve jare imii reve reve, oïndaivi oñeraro vaerä vae.

1 CRÓNICAS 12:39

Jare ñogüɨnoi David pɨri mboapɨ ara, okaru jare jou reta vino, echa jëtara reta oyapo kavi chupe reta.

SALMOS 108:8

Chembae ko Galaad jare Manasés; Efraín ko cheäka-ɨru jiero pegua rami, Judá jae ko chepopoka mborookuai pegua rami;

SALMOS 60:7

Chembae ko Galaad jare Manasés; Efraín jae ko äka-ɨru jiero pegua rami cheäka re; Judá jae ko chepo pegua ɨvɨra mborookuai pegua rami;

SALMOS 60:9

¿Kia pa chererajata tëta guasu oñekëse kavi vae pe? ¿Kia pa chererajata Edom pe?

SALMOS 78:68

Jaeño oiparavo ñemuña Judá, ɨvɨtɨ Sión, jae oaɨu vae.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

EZEQUIEL 19:11

Jäka reta ipoguasu, chugüi oyeapo mburuvicha guasu reta ipo peguarä; okuakuaa ɨvate ïru reta güi, oyekuaa katu ɨvate jeko pegua jare jäka jeta jeko pegua.

EZEQUIEL 19:14

Iyɨpɨ güi oë tata, opa oapɨ jäka jare ia reta, mbaetɨ etei opɨta jäka ipoguasugüe mburuvicha guasu reta ipo peguarä.’ ” Jae kuae tairari yaeo pegua, jare yaeo peguarä toyeporu.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 21:32

Peyeapɨukata, perugüɨ oyepɨyereta kuae ɨvɨ pe, ngaraa ye ma kia imaendúa peré, echa che peYa jae jökorai.”

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

MIQUEAS 5:1

“Añave peñekëse ovapetea guasu pe, Jerusalén pegua reta, echa opa peñeovauka; Israel iñemuña reta juvicha guasu pe oiporarauka yae retata.

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

ZACARÍAS 10:11

Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

NÚMEROS 21:18

¡Mburuvicha reta oyoo vae, jare tenondegua reta oyoo popoka oporookuai pɨpe vae rupi!” Jare jókuae ñuu güi yogüɨraja Matana kotɨ,

NÚMEROS 24:17

Aechata, ërei mbaetɨ añave; amaeta jese, ërei mbaetɨ köi güi: Jacob iñemuña güi oëta metei Yasɨtata, Israel iñemuña reta güi opüata metei Mburuvicha guasu, jae ombopereta Moab iñäka, jare opata omboai Set iñemuña reta.

NÚMEROS 24:19

Jacob iñemuña güi oëta oporomoamɨri vae, omboaita tëta pe jembɨregüe.”

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 21:9

Jare Jesús jenonde yogüɨraja vae reta jare jaɨkue yogüɨraja vae reta osapúkai reve jei reta: —¡Hosanna David Taɨ! Toyemboeteuka yandeYa jee re ou vae. ¡Hosanna! ¡Toyemboete ara pe!

San Mateo 25:32

Jare oyemboatɨta cheróvai opaete tëtaguasu reta. Jayave amboyaota amogüe reta oyougüi, metei omaangareko vae omboyao ivecha reta ikavara reta güi rami.

San Juan 12:32

Jare ïru vae reta chereupi yave, aruta opaete ɨvɨ pegua reta chekotɨ.

San Juan 18:31

Jayave Pilato jei chupe reta: —Pe reta etei peraja pejäa, mborookuai penoi vae jei rupi. Jare judío reta jei chupe: —Ore reta mbaetɨ ko orepuere royuka kia.

San Juan 19:12

Kuae oendu ma yave, Pilato oeka tëi kërai oyora vaerä Jesús. Ërei judío reta osapúkai reve jei: —Kuae kuimbae reyora yave, César iñeïruä ko nde. Echa oipotagüe jei jae ko mburuvicha guasu vae yave, oyovaicho ko César ndive.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

San Juan 9:7

jare jei chupe: —Ekua eyoe nderesa ɨesaɨ Siloé pegua pe (kuae Siloé oipota jei: “Temimondo”). Jayave jae ojo oyoe jesa jare ou ye yave, omae ma.

Romanos 15:12

Jare Isaías jei: “Oïta Isaí güi metei oporookuaita opaete judiombae vae reta re; jese oäro retata.”

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

DEUTERONOMIO 28:57

michia raɨ oa ramo chugüi vae jare iyaupa jou vɨarita, karuai jeko pegua; perovaicho reta peöva jare oiporarauka peve opaete perëta ñavo vae jeko pegua.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”