GÉNESIS 48:15 - Biblia Guarani Tumpa Iñee

¹⁵ Jare körai jei ñee kavi José kotɨ: “Tumpa, jae jemimbota rupi oguata cheramɨi Abraham jare cheru Isaac vae. Jae cheangareko aiko güive añave regua.

GÉNESIS 48:15 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 24:20

Iyandeko oikuavo iɨrɨru mɨmba iɨguarɨru pe, jare osɨi ye ɨkua kotɨ güɨnoe vaerä ɨ, jökorai güɨnoe opaete camello reta peguarä.

GÉNESIS 24:40

Jayave cheya Abraham jei: “YandeYa jae ndive aguata vae omondota iAraɨgua nde ndive, jae ndereraja kavita cherëtara reta pɨri, cheru jëta pe, joko güi reruta kuña cheraɨ peguarä.

GÉNESIS 27:27

Jacob oya katu jese jare oovapɨte; jare Isaac oëtu vi jemimonde, jare jei ñee kavi ikotɨ, jei reve: “Mase, cheraɨ ipiche renoi, kaa, yandeYa iporerekua jese vae ipichegüe renoi.

GÉNESIS 27:4

Eyapo tembíu che ayúe rami, jare eru takaru, jae vaerä ñee kavi ndekotɨ ndei amano mbove.

GÉNESIS 28:20

Jacob oñererökuavee jei reve: “Tumpa ojo yave che ndive, jare cheñovatu yave kuae cheguata pe omee reve cherembiurä, jare temimonde omee yave amonde vaerä;

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

GÉNESIS 28:3

Tumpa imbaepuere yae ete vae tiporerekua nderé jare tanemoñemuña jeta, reyeapo regua tëta tuicha yae vaerä.

GÉNESIS 35:3

Ñapüa jare yaja Bet-el kotɨ; jare joko pe amopüata mɨmba oyeyuka oyeapɨ jese vae Tumpa chemborɨ chepɨatɨtɨ aï yave vae peguarä jare oiko che ndive opaete kerupi ajaa rupi vae.

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

GÉNESIS 49:22

Temitɨ ia yae vae ko José, ɨesaɨ jembeɨ pegua temitɨ rami, jäka jokɨ pɨau vae oyeupi ovapetea re.

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

GÉNESIS 49:28

Jae ko kuae opaete reve doce ñemuña Israel pegua, jare jae kuae tu jei chupe reta vae; jei ñee kavi taɨ reta kotɨ yave, metei ñavo pe.

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 CRÓNICAS 5:1

Rubén, Israel taɨrɨpɨ taɨ reta jae: Hanoc, Falú, Hezrón jare Carmi. Rubén, añetete ko jae Israel taɨrɨpɨ, ërei membɨrɨpɨyekou imbaerä tëi vae oyemboasa José taɨ reta pe chugüi, echa Rubén güɨroke tu jembireko. Ërei ngatu Judá imbaepuere yae opaete tɨvɨ reta güi, jare chugüi oë mburuvicharä; ërei membɨrɨpɨyekou oñemee José pe.

SALMOS 16:8

Ambotenonde avei cheYa, echa oiko avei cheɨke pe, ngaraa chemongúe vae.

SALMOS 23:1

YandeYa ko jae cheangarekoa; ngaraa mbae omboata cheve.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

ÉXODO 3:16

Ekua, jare emboatɨ Israel iñemuña reta itenondegua reta, jare ere chupe reta: “YandeYa, peñemuñagüe Abraham, Isaac jare Jacob iTumpa oyekuaa cheve jare jei añetete outa ko pemborɨ vae, oecha ko opaete Egiptoɨgua reta oyapo pekotɨ vae.

ÉXODO 4:5

—Kuae rupi ndererovia retata che ndeYa Tumpa ko oyekuaa ndeve vae, neñemuñagüe Abraham, Isaac jare Jacob iTumpa.

ECLESIASTÉS 5:12

Mbaravɨkɨ regua paravete vae, yepe michi okaru ani jeta okaru, ërei oke pɨagüive; ërei ngatu oikokatu vae, jeta mbaembae güɨnoi jeko pegua mbaetɨ oke pɨagüive.

ECLESIASTÉS 5:18

Jayave, aecha ikavi yae vae jae ko: Yakaru kavi vae, yayerovia vaerä opaete yandeparavɨkɨagüe güi, kuae ɨvɨ pe yayemoambeko jese vae re, opaete ara Tumpa omee tekove yandeve ramboeve, echa jókuae ko jae yandeparavɨkɨ jekovia.

ECLESIASTÉS 6:7

Opaete kuimbae iparavɨkɨ jae ko okaru vaerä, ërei mbaetɨi yangapɨɨ.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 33:16

jókuae nunga ko oiko pɨagüive aveita, iñepɨ̈roka ɨ̈vavira katuai vae ramita, ngaraa oata chupe tembíu jare ɨ.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

Hebreos 11:21

Iporogüɨrovia rupi Jacob omanota ma yave, jei ñee kavi José taɨ reta ñavo pe, jare omboete Tumpa oyeko reve ipopoka re.