GÉNESIS 48:14 - Biblia Guarani Tumpa Iñee

¹⁴ Ërei jae oñono ipo iyakatu Efraín iñäka re, taɨkuegua re; jare ipo iyasu kotɨgua oñono Manasés iñäka re. Jökorai omboyoasa iyɨva, yepe tëi Manasés tenondegua ko.

GÉNESIS 48:14 ပူးပေါင်းရင်းမြစ်များ

GÉNESIS 41:51

Jare José taɨrɨpɨ ombojee Manasés, echa jei iyeupe: “Tumpa etei chemoakañɨ opaete tembiporara reta güi jare opaete cherëtara reta güi.”

GÉNESIS 41:52

Taɨ taɨkuegua ombojee Efraín, echa jei iyeupe: “Tumpa chemborɨ jare chemboyekou kuae ɨvɨ aiporaraa pe.”

GÉNESIS 46:20

Jare Asenat imembɨ José pe ɨvɨ Egipto pe vae jae ko: Manasés jare Efraín. Asenat jae ko Potifera sacerdote On pegua tayɨ.

GÉNESIS 48:13

Javoi oipɨɨ mókoi reve taɨ, Efraín iyakatu kotɨ, Israel iyasu kotɨ, jare Manasés iyasu kotɨ Israel iyakatu kotɨ; jare güɨroya katu jese.

GÉNESIS 48:17

Ërei José oecha ramboeve tu ipo iyakatu kotɨgua oñono Efraín iñäka re yave, mbaetɨ ipöra chupe; jare oipɨɨ tu ipo ombosɨrɨ vaerä Efraín iñäka güi oñono Manasés iñäka re.

GÉNESIS 48:18

José jei tu pe: —¡Cheru, agüɨye jökorai! Kuae ko jae tenondegua, jese eñono ndepo akatu.

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 118:16

¡YandeYa imbaepuere tuicha yae ko! ¡YandeYa imbaepuere oporomoamɨri!”

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

NÚMEROS 2:18

Kuaraɨ oikea kotɨ toyembojeyupa opaete Efraín ibandera ndive ñogüɨnoi vae reta; jae reta itenondegua ko Elisama, Amiud taɨ;

NÚMEROS 8:10

Jare Leví iñemuña reta oya ma cheróvai yave, opaete Israel iñemuña reta toñono ipo jae reta iñäka re.

NÚMEROS 8:18

Aiparavo Leví iñemuña reta, Israel iñemuña reta taɨrɨpɨ jekovia pe.

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Mateo 19:13

Jare amogüe vae güeru Jesús oïa pe michia reta, oyerure vaerä Tumpa pe oñono reve ipo jese reta. Ërei jemimboe reta oñeengata jókuae jerúa reta pe.

San Mateo 19:15

Jayave oñono ipo jese reta. Jare ojo joko güi.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Lucas 13:13

Jayave Jesús oñono ipo jese. Jare jupivei jókuae kuña ipuere oyembosɨmbi kavi jare omboɨpɨ omboete Tumpa.

San Lucas 4:40

Jare kuaraɨ oike ma yave, opaete jëtara imbaerasɨ vae güeru Jesús oïa pe. Jare jae oñono ipo metei ñavo re jare ombogüera reta.

Hechos 13:3

Jayave oyekuaku reta tembíu güi, jare oyerure reta Tumpa pe. Javoi ïru reta oñono ipo jese reta jare omondo reta.

Hechos 6:6

Jare güeru reta kuae oiparavogüe reta temimondo reta jóvai. Jayave jae reta oyerure Tumpa pe oñono reve ipo jese reta.

DEUTERONOMIO 34:9

Jare Josué, Nun taɨ ipɨa arakuaa yae opɨta, echa Moisés oñono ipo jese; jare Israel iñemuña reta güɨrovia katu jese, jare oyapo reta yandeYa oyókuai Moisés vae rami.

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.