GÉNESIS 47:6 - Biblia Guarani Tumpa Iñee

⁶ Ɨvɨ Egipto ndepo pe ko oï; ɨvɨ Gosén emee nderu pe jare nderɨkeɨ reta pe yogüɨreko vaerä pɨpe, jare chugüi reta maangarekoa ikavi vae, peñono cherɨmba iyangarekoa itenondeguarä.

GÉNESIS 47:6 ပူးပေါင်းရင်းမြစ်များ

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

GÉNESIS 13:9

¿Mbaetɨ pa ɨvɨ tuicha? Añave, ikavi reiparavo kia pe reiko vaerä; eiko tee chegüi, nde reo yave ndeasu kotɨ, che taja ndeakatu kotɨ. Ërei nde reo yave ndeakatu kotɨ, jayave che taja ndeasu kotɨ.”

GÉNESIS 20:15

Jare Abimelec jei: —Mase, ko oï ɨvɨ nderóvai; eiko pɨpe ikavi ndevea pe.

GÉNESIS 34:10

Pepɨta peiko ore ndive. Pepo pe oï ɨvɨ; peiko pɨpe, peparavɨkɨ pɨpe, pereko peɨvɨ aerä.

GÉNESIS 45:10

Reikota ɨvɨ Gosén jee vae pe, jökorai reikota köiño chegüi nde jare nderaɨ reta, jare nerɨmɨmino reta, jare opaete nderɨmba reta jare ïru ndembaembae.

GÉNESIS 46:34

Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

GÉNESIS 47:11

Jökorai José omee yogüɨreko vaerä tu jare tɨkeɨ reta Egipto pe, ɨvɨ ikavi yae vae pe, Ramesés pe, Faraón jei rami.

GÉNESIS 47:16

José jei: —Korepoti opa ko pegüi yave, peru perɨmba reta jare che tamee peve tembíu mɨmba regua.

GÉNESIS 47:4

Jei reta vi Faraón pe: —Royu ko roiko vaerä kuae ɨvɨ pe; echa mbaetɨ kapii ore nderembiokuai reta ivecha peguarä, karuai jasɨ yae ko Canaán pe; jáeramo romoñera añave remaeño vaerä ore nderembiokuai reta yogüɨreko ɨvɨ Gosén pe.

GÉNESIS 47:5

Jayave Faraón imiari José pe jei reve: —Nderu jare nderɨkeɨ reta yogüeru ndépɨri.

1 REYES 11:28

Jeroboam ko kuimbae jëia vae jare meteiño iyemongeta; Salomón oecha yave kuae kunumi jäta ngatu yae, omee ipo pe opaete José iñemuña reta.

2 CRÓNICAS 26:10

Jökoraiño vi oyapo sundaro reta imaekarä ɨvate vae ñuu rupi, jare oyoo jeta ɨkua reta; echa jeta jɨmba ɨvɨpe kavi rupi jare ɨvɨtɨ iyapɨte ipe kavía rupi; uvarupa jare temitɨ reta ɨvɨtɨ rupi jare ɨvɨpe kavi rupi, echa omomora kó pegua mbaravɨkɨ vae ko.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 18:25

Moisés oiparavo kuimbae oikatuta tëta güɨroata vae reta Israel iñemuña reta güi, jare oñono opaete vae juvicharä, mil kuimbae vae reta re, cien, cincuenta jare payandepo kuimbae reta re.

ÉXODO 9:10

Javoi güɨnoe reta tanimbu horno güi jare yogüɨraja Faraón jóvai, jare Moisés omombo tanimbu ara kotɨ; jare oyekuaa kuru oporombopere vae kuimbae reta jare mɨmba reta re.

ÉXODO 9:21

ërei, yandeYa iñee mbaetɨ güɨrovia vae reta, oeyaño ñana rupi jembiokuai reta jare jɨmba reta.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

PROVERBIOS 22:29

Iparavɨkɨ oyapo kavi vae, oyeokuaita mburuvicha guasu pe, mbaetɨta oparavɨkɨ oipotagüe pe.

JEREMÍAS 40:4

Mase, añave voi aekɨ ndegüi karena reyepokua pɨpe vae. Nekɨ̈reɨ reo cherupíe Babilonia pe yave, yaja; che ayangarekota nderé. Ërei mbaetɨ nekɨ̈reɨ reo yave, epɨtaño. Eiparavo ɨvɨ nde reipota reiko pɨpe vae, jaekavita ndeve vae.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

1 SAMUEL 21:7

Jókuae ara oï joko pe, metei Saúl jembiokuai Doeg jee vae Edom pegua, vecha iyangarekoa reta itenondegua.