GÉNESIS 47:27 - Biblia Guarani Tumpa Iñee

²⁷ Jökorai Israel ou oiko Egipto pe, ɨvɨ Gosén pe; jare güɨnoi imbaembae pɨpe jare okuakuaa jare oñemuña reta jeta yeyé.

GÉNESIS 47:27 ပူးပေါင်းရင်းမြစ်များ

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 17:6

Romoñemuñata jeta yae, joko güi ayapota jeta tëtaguasu reta, ndegüi oñemuñata jeta mburuvicha guasu reta.

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 34:10

Pepɨta peiko ore ndive. Pepo pe oï ɨvɨ; peiko pɨpe, peparavɨkɨ pɨpe, pereko peɨvɨ aerä.

GÉNESIS 35:11

Tumpa jei vi chupe: “Che jae ko Tumpa imbaepuere yae vae; ekuakuaa jare eñemuña jeta. Ndegüi jeta oëta tëtaguasu reta jare tëta reta, jare neñemuña reta güi oëta mburuvicha guasu reta.

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

GÉNESIS 47:11

Jökorai José omee yogüɨreko vaerä tu jare tɨkeɨ reta Egipto pe, ɨvɨ ikavi yae vae pe, Ramesés pe, Faraón jei rami.

GÉNESIS 8:7

Jare omondo metei chucha, kuae ojo jare oyerova mbovɨ ye rupi, opa ɨ tɨpa ɨvɨ iárambo güi regua.

GÉNESIS 8:9

Jókuae pɨkasu mbaetɨ oväe kia pe oguapɨ vaerä, jare ou ye arca pe Noé oïa pe. Echa jekuaeño ɨ oime ɨvɨ iárambo. Jayave Noé omoë ipo jare oipɨɨ omoinge arca pe.

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

SALMOS 105:24

Jare Tumpa ombojeta yae chupe iñemuña reta, jare imbaepuere yae jovaicho Egiptoɨgua reta güi.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

ÉXODO 1:12

Ërei jeiete oiporarauka chupe reta reve, jekuaeñoi oñemuña jare okuakuaa reta; jáeramo Egiptoɨgua reta okɨɨye Israel iñemuña reta güi.

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ZACARÍAS 10:8

Chetɨvɨñee pe aenɨita, jare amboatɨ retata, echa che ayora retata. Oñemuña retata jeta tenonde yave rami.

Hechos 7:17

Ërei köiño ma ou oyembopo vaerä Tumpa güɨrökuavee jee re ae oyapo vaerä Abraham pe vae yave, ñaneñemuñagüe reta jeta yae ma oñemoña Egipto pe.

DEUTERONOMIO 10:22

Peñemuñagüe reta yogüɨraja setenta kuimbae Egipto kotɨ, jare añave yandeYa Tumpa pembojeta yeyé yasɨtata rami.

DEUTERONOMIO 26:5

Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.