GÉNESIS 47:23 - Biblia Guarani Tumpa Iñee

²³ Jare José jei opaete vae pe: —Mase, ko opa ma pogua peɨvɨ ndive Faraón imbaerä, añave ko oï temitɨ jäɨ peñotɨ vaerä.

GÉNESIS 47:23 ပူးပေါင်းရင်းမြစ်များ

GÉNESIS 41:27

Jaeramiño vi jókuae chiu guaka ipiru jare pɨ̈chɨi yae vae reta taɨkue rupi yogüeru vae chiu año vi ko; jare jókuae chiu jäka trigo jäɨ kavimbae, ɨvɨtuakuvo opa oyuka vae reta, chiu año karuai oimeta vae ko.

GÉNESIS 45:6

Echa mókoi año rupi ma oï karuai opaete ɨvɨ pe, jare oataño vɨteri pandepo año oime vaerä karuai, mbaetɨta maetɨ jare mbaarɨvo.

GÉNESIS 47:22

Jaeño ete sacerdote reta iɨvɨ mbaetɨ ogua, echa Faraón omee sacerdote reta jembiurä; jare okaru yogüɨreko Faraón omee chupe reta vae güi. Jáeramo mbaetɨ omee reta iɨvɨ.

GÉNESIS 47:24

Mbaagüɨye reta ñavo güi pemeeta Faraón pe pandepo vae güi metei, jare irundɨ vae pembaerä, peñotɨ ye vaerä jare peiko jese vaerä, pero pegua reta ndive, okaru vaerä pemichia reta.

SALMOS 112:5

Kuimbae jeko kavi vae, iporoparareko jare ombaeporuka; opaete mbaembae oyapo vae, oyapo jupi rupi kavi.

SALMOS 41:1

Toyerovia jókuae oyemongeta paravete vae re vae, yandeYa oepɨta tembiporara iara pe.

PROVERBIOS 11:26

Tembíu re oñemoäkateɨ vae re tëta pegua reta oyepopeyuta, ërei iñee kavi retata jókuae jäkateɨmbae reve kavi omee vae kotɨ.

PROVERBIOS 12:11

Tembíu ngaraa oata, iko pe oparavɨkɨ vae pe, ërei oparavɨkɨmbae reta ndive oñemoïru vae, mbaetɨ yarakuaa.

PROVERBIOS 13:23

Iparavete vae reta iko pe oime jeta tembíu, ërei okañɨ, jupigüe mbaetɨ jeko pegua.

ECLESIASTÉS 11:6

Remaetɨ ndeimbove yave jare kaaru yave, ërei mbaetɨ reikuaa kia nunga ko ikavita vae, tenonde oñeotɨ vae ra ani taɨkue oñeotɨ vae ra, ani ramo mókoi reve ra yagüɨye kavita.

ISAÍAS 55:10

“Echa ama jare iroɨ oa ara güi rami, jare mbaetɨ ojo ye jokotɨ, jaeño omoäkɨ ɨvɨ, jare omojeñɨi temitɨ reta jare omboia, jare omee jäɨgüe omaetɨ vae pe, jare tembíu okaru vae pe,

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

2 Corintios 9:10

Tumpa ko omee temitɨ, omaetɨ vae pe; jare omee tembíu okaru vae pe. Jae ko omeeta peve jare omoñemuñata peve peremitɨ reta, jeta peporomborɨ vaerä.