GÉNESIS 46:34 - Biblia Guarani Tumpa Iñee

³⁴ Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

GÉNESIS 46:34 ပူးပေါင်းရင်းမြစ်များ

GÉNESIS 13:7

Jare Abram jɨmba iyangarekoa reta oñoraro reteiño ma Lot jɨmba iyangarekoa reta ndive. Jayave rupi, kuimbae cananeo reta jare ferezeo reta yogüɨreko vi jókuae ɨvɨ pe.

GÉNESIS 13:8

Jayave Abram jei Lot pe körai: “Ñañoëtara ko yande, mbaetɨ ikavi ñañoraro vaerä oyoupii aeño, mbaetɨ vi ikavi oñoraro vaerä yanderembiokuai reta.

GÉNESIS 26:20

Jare mɨmba iyangarekoa reta Gerar pegua, oñomoata Isaac jɨmba iyangarekoa reta ndive ɨkua re. Jáeramo jókuae ɨkua ombojee Esek, echa oyoaka reta jese.

GÉNESIS 30:35

Ërei Labán jókuae ara voi ombosɨrɨ kavara kuimbae ipara jɨsɨ vae, jare opaete kavara ipini vae jare opaete tïi oï jese vae, jare opaete vecha kuimbae raɨ jüu vae, jare omee taɨ reta pe oyangareko reta vaerä jese.

GÉNESIS 34:5

Jacob oikuaa Siquem oasa tayɨ Dina ndive vae, ërei taɨ reta jɨmba omongaru ñogüɨnoi ñuu pe ramo, mbaetɨ mbae jei yogüeru oväe regua.

GÉNESIS 37:12

Kuae jaɨkue rupi tɨkeɨ reta opa yogüɨraja omongaru tu ivecha reta ɨvɨ Siquem pe.

GÉNESIS 37:2

Jae ko kuae Jacob iñemuña reta yogüɨreko vae regua. José diecisiete año güɨnoi yave oyangarekose vecha reta re tɨkeɨ reta ndive; jare kuae kunumi oikose tu jembireko Bilha jare Zilpa imembɨraɨe reta ndive; jare José imiarise tu pe, tɨkeɨ reta jeko kavimbae re.

GÉNESIS 43:32

Jare oñono tee reta chupe tembíu, jare Jacob taɨ reta pe oñono tee reta vi, jökorai vi Egiptoɨgua jae ndive okaru vae reta pe; echa Egiptoɨgua reta mbaetɨ ko okaru hebreo reta ndive, echa mbae pɨ̈chɨi yae ko chupegua reta.

GÉNESIS 45:10

Reikota ɨvɨ Gosén jee vae pe, jökorai reikota köiño chegüi nde jare nderaɨ reta, jare nerɨmɨmino reta, jare opaete nderɨmba reta jare ïru ndembaembae.

GÉNESIS 45:18

jare togüeru reta peru jare opaete jëtara reta chépɨri, echa che ameeta chupe reta Egipto pegua ɨvɨ ikavigüe, jare okaru retata mbaagüɨye kuae ɨvɨ pe oñemee vae güi.

GÉNESIS 46:32

jae reta ko vecha iyangarekoa, echa mbaemɨmba iya reta ko; güeru ivecha, iguaka jare opaete güɨnoigüe.

GÉNESIS 47:11

Jökorai José omee yogüɨreko vaerä tu jare tɨkeɨ reta Egipto pe, ɨvɨ ikavi yae vae pe, Ramesés pe, Faraón jei rami.

GÉNESIS 47:3

Jayave Faraón oparandu José tɨkeɨ reta pe: —¿Mbaerero pa pe? Jae reta jei: —Ore nderembiokuai reta vecha iyangarekoa ko, oreñemuñagüe reta rami.

GÉNESIS 47:4

Jei reta vi Faraón pe: —Royu ko roiko vaerä kuae ɨvɨ pe; echa mbaetɨ kapii ore nderembiokuai reta ivecha peguarä, karuai jasɨ yae ko Canaán pe; jáeramo romoñera añave remaeño vaerä ore nderembiokuai reta yogüɨreko ɨvɨ Gosén pe.

GÉNESIS 47:6

Ɨvɨ Egipto ndepo pe ko oï; ɨvɨ Gosén emee nderu pe jare nderɨkeɨ reta pe yogüɨreko vaerä pɨpe, jare chugüi reta maangarekoa ikavi vae, peñono cherɨmba iyangarekoa itenondeguarä.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

ÉXODO 8:26

Ërei Moisés jei chupe: —Mbaetɨ orepuere royapo vaerä körai, echa jökorai yave romeeta ko oreYa Tumpa pe Egiptoɨgua reta pe pɨ̈chɨi yae vae. Jare Egiptoɨgua reta omboete mɨmba vae royuka romee jae reta jóvai yave ¿ngaraa pa jae reta oreapi oreyuka ita pe?