GÉNESIS 46:20 - Biblia Guarani Tumpa Iñee

²⁰ Jare Asenat imembɨ José pe ɨvɨ Egipto pe vae jae ko: Manasés jare Efraín. Asenat jae ko Potifera sacerdote On pegua tayɨ.

GÉNESIS 46:20 ပူးပေါင်းရင်းမြစ်များ

GÉNESIS 41:45

Jare Faraón ombojee José Zafnat-panea pe, jare omee jembirekorä Asenat, jae ko sacerdote Potifera tëta On pegua tayɨ. Jare José oë oguata opaete ɨvɨ Egipto rupi.

GÉNESIS 46:19

Raquel, Jacob jembireko imembɨ jae ko: José jare Benjamín.

GÉNESIS 48:1

Oasa güire kuae mbaembae, omombeu reta José pe tu imbaerasɨ oï vae. Jayave jae güɨraja mókoi reve taɨ reta, Manasés jare Efraín.

GÉNESIS 48:20

Jökorai Jacob jei ye ñee kavi ikotɨ reta jókuae ara: —Opaete vae Israel iñemuña oiporuta peree reta, jare jeita: “Tumpa toyapo nde ndive Efraín jare Manasés pe rami.” Jare Efraín ombotenonde Manasés güi.

EZEQUIEL 30:17

Tëta Avén jare Pibeset pegua taɨrusu vae reta omanota ñeraro pe, jare kuña reta opata güɨraja tembipɨɨrä.

JOSUÉ 14:4

Echa José taɨ reta güi oyeapo mókoi ñemuña, Manasés jare Efraín; ërei mbaetɨ oyemboyao ɨvɨ Leví iñemuña reta pe, jaeño oñemee chupe reta tëta guasu reta yogüɨreko vaerä pɨpe jare iyɨ́vɨri jɨmba reta ikarúa rendarä.

JOSUÉ 17:1

Kuae ɨvɨ ko jae Manasés iñemuña reta omboresive suerte rupi vae; Manasés jae ko José taɨrɨpɨ. Maquir jae ko Manasés taɨrɨpɨ, jae ko Galaad tu. Maquir ko kuimbae ñeraro regua, omboresive iɨvɨrä Galaad jare Basán ɨ̈aka Jordán güi kuaraɨ oëa kotɨ.