GÉNESIS 46:1 - Biblia Guarani Tumpa Iñee

¹ Israel oë ojo opaete imbaembae ndive. Ou yave oväe Beerseba pe, omee mɨmba oyeyukagüe tu Isaac iTumpa pe.

GÉNESIS 46:1 ပူးပေါင်းရင်းမြစ်များ

GÉNESIS 12:8

Joko güi ojo oñemoëta vaerä metei kaa pe, Bet-el güi kuaraɨ oëa kotɨ, jare joko pe omopüa jo guakapi pegua; güɨnoi Bet-el kuaraɨ oikea kotɨ jare tëta Hai jee vae kuaraɨ oëa kotɨ; joko pe omopüa mɨmba oyeyuka oyeapɨ jese vae yandeYa peguarä, jare oyerure yandeYa jee re.

GÉNESIS 21:14

Jayave Abraham opüa ndeimboveasɨ, jare omee Agar pe mbɨyape jare ɨ jɨru mɨmbapire pegua pe, oñono iyatiɨ re jare omee chupe kunumi raɨ jare omondo. Jare jae jopa oiko ñuu Beerseba rupi.

GÉNESIS 21:31

Jáeramo ombojee Beerseba; echa joko pe oyapo reta oyoupe morogüɨrökuavee päve.

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

GÉNESIS 22:13

Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.

GÉNESIS 28:10

Jacob oë Beerseba güi jare ojo Harán kotɨ.

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 31:42

Abraham iTumpa jare cheru Isaac oipoɨu chugüi vae mbaetɨ ko oiko che ndive yave, chepogüɨraita tëi ko chembou; ërei ngatu Tumpa oecha aiporaragüe jare cheparavɨkɨ ramo pɨare oñeengata ndeve.

GÉNESIS 31:53

Neramɨi Abraham iTumpa jare cheramɨi Nacor iTumpa tiñanejäa. Jare Jacob oñererökuavee oyapo vaerä tu Isaac iTumpa omboete vae jovake.

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

GÉNESIS 35:3

Ñapüa jare yaja Bet-el kotɨ; jare joko pe amopüata mɨmba oyeyuka oyeapɨ jese vae Tumpa chemborɨ chepɨatɨtɨ aï yave vae peguarä jare oiko che ndive opaete kerupi ajaa rupi vae.

GÉNESIS 35:7

Jare omopüa joko pe mɨmba oyeyuka oyeapɨ jese vae, ombojee El-bet-el, echa joko pe Tumpa oyekuaa chupe tɨkeɨ güi osɨi oiko yave.

GÉNESIS 4:4

Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota güeru vae re.

GÉNESIS 45:28

Jayave Jacob jei: “¡Aikuaa ma cheraɨ José oikoveño vae! Taja taecha ndei amano mbove.”

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

Hechos 7:15

Jökorai Jacob ojo Egipto pe. Jare joko pe jae jare jókuae ñaneñemuñagüe reta opa omano.

JOSUÉ 24:4

jare Isaac pe amee mókoi taɨrä, Jacob jare Esaú. Esaú pe amee ɨvɨtɨ Seir oiko vaerä joko pe, ërei Jacob jare taɨ reta opa yogüɨraja Egipto pe.

1 SAMUEL 3:20

Jare opaete Israel iñemuña reta, Dan güive Beerseba kotɨ, oikuaa reta Samuel jae ko yandeYa iñeemombeúa jupi vae.

1 SAMUEL 8:2

Taɨrɨpɨ jee Joel, jare mokoía jee Abías; mókoi reve yogüɨreko mburuvicha oporojäa vaerä Beerseba pe.