GÉNESIS 45:2 - Biblia Guarani Tumpa Iñee

² Täta jäse oyaeo; jare jókuae oyandu Egiptoɨgua reta, jare oyeendu vi mburuvicha guasu Faraón oïa pe.

GÉNESIS 45:2 ပူးပေါင်းရင်းမြစ်များ

GÉNESIS 42:24

Jare José osɨrɨ chugüi reta, jare oyaeo; jaɨkue rupi ou ye tɨkeɨ reta ñogüɨnoia pe jare omomiari; jare jae reta ipɨte güi oipɨɨ Simeón jee vae jare oñono tembipɨɨrɨru pe jae reta jovakei.

GÉNESIS 43:30

Jayave José mbaetɨ ipɨaguasu oecha ramboeve tɨvɨ, jare oeka kia pe oyaeo vaerä; jökorai oike jo okea pe jare joko pe oyaeo.

GÉNESIS 45:14

José oiküava tɨvɨ Benjamín iyayu rupi, jare oyaeo. Benjamín oyaeo vi oiküava reve tɨkeɨ.

GÉNESIS 45:15

Oovapɨte vi opaete tɨkeɨ reta oyaeo reve. Jayave ramo tɨkeɨ reta imiari jae ndive.

GÉNESIS 46:29

Jare José opa ma omboyupavo ikäretou yave ojo oövaiti vaerä tu Israel ɨvɨ Gosén pe. Ojo jare oiküava tu iyayu rupi, jare ɨma oñoäpiro.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

NÚMEROS 14:1

Jayave opaete vae osapúkai jare jäse oyaeo reta opaete jókuae pɨ̈tu.

Hechos 20:37

Jayave opaete joko pe ñogüɨnoi vae reta täta oapïro, jare oiküava reta Pablo jare oovapɨte reta.

RUT 1:9

YandeYa tomee peve peiko kavi ye vaerä peme jëta pe. Javoi oovapɨte imembɨtatɨgüe reta, jare jae reta opoko oyaeo,