GÉNESIS 44:8 - Biblia Guarani Tumpa Iñee

⁸ Mase, jókuae korepoti roväe orevoɨtarɨru iyuru pe vae, rogüeru ye ndeve mombɨrɨ oreɨvɨ Canaán güi; ¿këraiägua pa roñomita ndeya jo güi korepoti ani oro?

GÉNESIS 44:8 ပူးပေါင်းရင်းမြစ်များ

GÉNESIS 42:21

Jayave jei reta oyoupe: —Añetete yepe yandeyoa yanderɨvɨ José kotɨ, echa yaecha ko ipɨatɨtɨ reve ñanemoñera tëi, ërei yande mbaetɨ yaendu chupe; jáeramo ou yanderé kuae mbɨatɨtɨ.

GÉNESIS 42:27

Ërei ngatu oguatagüe reta opɨtaa pe ñogüɨnoi yave, metei chugüi reta oipea ivoɨtarɨru omongaru vaerä imburika yave, oecha ikorepoti voɨtarɨru iyuru pe.

GÉNESIS 42:35

Ërei ngatu oikuavo reta ramboeve ivoɨta; voɨtarɨru ñavo pe oväe chupe reta ikorepoti jɨru reve; jare oecha reta yave, jare tu vi oecha korepoti jɨru reve yave ipɨakɨɨye yae reta.

GÉNESIS 43:12

Jare peraja mókoi jɨru korepoti: Metei jɨru pembaegua vaerä jare ïru jókuae korepoti ou ye pevoɨtarɨru iyuru pe vae; güɨramoi oyavɨ ramo jökorai.

GÉNESIS 43:18

Jayave jókuae kuimbae reta okɨɨye, opa güɨraja reta José jo pe yave, jei reta: —Korepoti yaraja ye yaikuaambae reve yandevoɨtarɨru pe, tenonde yayu yave vae re ndipo yandereru kuae pe; yandembotavɨ ndipo yandereru yandeapo vaerä jembiokuairä, jare yandemburika reta vi.

GÉNESIS 44:7

Jare jae reta jei: —¿Maera pa oreya jei oreve kuae reta? ¡Ore nderembiokuai reta ngaraai royapo kuae nunga!

ÉXODO 20:15

Agüɨye pemaeñomi.

San Mateo 19:18

Jayave oparandu taɨrusu jei: —¿Mbaembae pa? Jesús jei chupe: —Agüɨye eporoyuka. Agüɨye eyuvanga menda re. Agüɨye ndemonda. Agüɨye ere añetembae nderapicha kotɨ.

Romanos 13:9

Echa mborookuai jei körai: “Agüɨye peyuvanga menda re. Agüɨye peporoyuka. Agüɨye pemonda. Agüɨye pemiari peapu reve perapicha kotɨ. Agüɨye pembaepotarai.” Jare oime vi ïru mborookuai reta. Ërei opaete kuae mborookuai reta körai oñemometei: “Peaɨu perapicha, pe peyeaɨu rami.”

DEUTERONOMIO 5:19

Agüɨye pemaeñomi.