GÉNESIS 43:32 - Biblia Guarani Tumpa Iñee

³² Jare oñono tee reta chupe tembíu, jare Jacob taɨ reta pe oñono tee reta vi, jökorai vi Egiptoɨgua jae ndive okaru vae reta pe; echa Egiptoɨgua reta mbaetɨ ko okaru hebreo reta ndive, echa mbae pɨ̈chɨi yae ko chupegua reta.

GÉNESIS 43:32 ပူးပေါင်းရင်းမြစ်များ

GÉNESIS 31:54

Jayave Jacob oyuka mɨmba omee Tumpa pe jókuae ɨvɨtɨ re jare oenɨi jëtara reta okaru. Opaete jae reta okaru jare joko pe iköe reta.

GÉNESIS 43:16

jare José oecha tɨvɨ jae reta ndive, jare jei imbaembae iyangarekoa pe: —Eraja kuae kuimbae reta chero pe, jare eyuka metei guaka, jare eyapo tembíu, echa kuae kuimbae reta okaruta che ndive kuaraɨ ara mbɨte pe.

GÉNESIS 46:34

Jayave pere chupe: —Ore nderembiokuai reta jare oreñemuñagüe reta mbaemɨmba iya ko oretaɨrusu güive voi. Jökorai pepuere vaerä peiko ɨvɨ Gosén pe, echa Egiptoɨgua reta pe ikaviä ko yogüɨreko päve vaerä vecha iyangarekoa reta ndive.

ÉXODO 8:26

Ërei Moisés jei chupe: —Mbaetɨ orepuere royapo vaerä körai, echa jökorai yave romeeta ko oreYa Tumpa pe Egiptoɨgua reta pe pɨ̈chɨi yae vae. Jare Egiptoɨgua reta omboete mɨmba vae royuka romee jae reta jóvai yave ¿ngaraa pa jae reta oreapi oreyuka ita pe?