GÉNESIS 43:11 - Biblia Guarani Tumpa Iñee

¹¹ Jayave tu Israel jei taɨ reta pe: —Körai ko añete, jayave peyapo jökorai: Peñoña pevoɨtarɨru pe opaete mbaembae ikavigüe kuae yandeɨvɨ pe oñemuña vae, peraja jókuae kuimbae pe mbota; peraja mbovɨ ɨvɨra iyaɨsɨgüe Bálsamo jee vae, ei jare mbae ikäti kavi vae, mirra jare nuez jäɨ jare almendra jäɨgüe.

GÉNESIS 43:11 ပူးပေါင်းရင်းမြစ်များ

GÉNESIS 33:10

Jacob jei: —Agüɨye jökorai, romoñera ndepɨakavi ko remae cheré yave eipɨɨ mbota ndeveguarä vae, echa aecha nderova Tumpa jova etei aecha rami, echa mboroparareko ndive cherövaiti.

GÉNESIS 37:25

Jare oguapɨ reta okaru. Ërei omopüa reta iñäka yave, oecha reta jeta Ismael iñemuña reta yogüeru ɨvɨ Galaad kotɨ güi vae, jare icamello reta re güeru mbae ikäti kavi vae, ɨvɨra yaɨsɨ bálsamo jare mirra, güɨraja reta vaerä Egipto kotɨ.

GÉNESIS 43:10

Echa rojo ye voi yave mona, ¡mókoi ye ma ko royu yeta tëi!

GÉNESIS 43:14

Jare Tumpa imbaepuere yae ete vae tomee mboroparareko jókuae kuimbae pe pekotɨ, jare toyora ye jókuae perɨkeɨ ïru jare kuae Benjamín pe tipɨakavi. Jare mbaetɨta ma cheraɨ reta oyembou ye chekotɨ yave, ¡jökorai toiko!

GÉNESIS 43:15

Jayave jókuae kuimbae reta güɨraja mbota, jare mókoi jɨru korepoti, jare güɨraja reta vi tɨvɨ Benjamín; jökorai ogüeyɨ reta yogüɨraja Egipto kotɨ, jare opa yogüɨraja oyemboɨ ye José jóvai,

GÉNESIS 43:25

Jae reta oyapo katu mbota ndei ou mbove José kuaraɨ ara mbɨte pe, echa oendu reta jae ndive ko okaru retata vae.

GÉNESIS 43:26

Jare José ou jo pe yave jae reta güeru chupe mbota oäro güɨnoi pɨpe vae, jare itindɨasɨ reta ɨvɨ re jae jóvai.

1 REYES 10:15

Oyepapambae reve omaemee vae reta omboepɨ vae jare ïkotɨa güi mbae güeru omee vae reta omboepɨgüe, jare opaete mburuvicha guasu reta Arabia pegua jare mburuvicha reta ïru ɨvɨ pegua.

1 REYES 10:25

jare opaete vae año ñavo güɨraja chupe mbota: Mbae ipöra yae vae korepoti pegua jare oro pegua, ñeapevaka reta, tembiporu ñeraro pegua, mbae ikäti kavi yae vae, kavayu jare mburika guasu.

1 REYES 15:19

“Yayapo nde jare che metei morogüɨrökuavee päve, cheru jare nderu oyapo rami. Mase ko amondo ndeve mbota: Oro jare korepoti. Emboai morogüɨrökuavee päve renoi Baasa mburuvicha guasu Israel pegua ndive vae, jare tachereeya mbɨakatu pe.”

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

2 REYES 16:8

Acaz oipɨɨ korepoti jare oro yandeYa jo pe oime vae jare mburuvicha guasu jo pe mbaembae jepɨ vae oñeñovatúa pegua, jare omondo mbota mburuvicha guasu Asiria pegua pe.

2 REYES 20:12

Jókuae año rupi Merodac-baladán, Baladán taɨ, mburuvicha guasu Babilonia pegua ombou ñee jerajaa reta tupapire reta ndive jare mbota Ezequías peguarä, echa oikuaa Ezequías imbaerasɨ oï vae.

2 REYES 8:8

Jayave mburuvicha guasu jei Hazael pe: —Eraja mbota, jare ekua Tumpa iñeemombeúa pɨri. Eiporu chupe oparandu vaerä Tumpa pe, che akuerata ra kuae mbaerasɨ güi vae.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

SALMOS 68:29

Ndetupao Jerusalén pe oï vae pe, mburuvicha guasu reta mbota güeru ndevea pe.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 76:11

Peyapo ñererökuavee peYa Tumpa pe, ërei pembopo jókuae perökuavee vae; opaete peï Kɨɨyea yae vae iyɨ́vɨri vae reta, peru chupe mbota reta.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

PROVERBIOS 17:18

Mbaetɨ ko iyarakuaa oporomborɨ ipía vaerä vae; ivɨa-ïru omborɨ ipía vaerä vae.

PROVERBIOS 18:16

Kuimbae, mbota omee vae rupi oipea tape iyeupe, jökorai oike mburuvicha reta pe ave.

PROVERBIOS 19:6

Ipɨakavi vae, jekaa yae, jäkateɨmbae re, ovɨa yae vae ko.

PROVERBIOS 21:14

Mbota oñemee vɨari vae, omoröɨsa arasɨ.

CANTARES 4:10

¡Ndeporoaɨu ikavi yae, chereindɨ, chemenda ïrurä vae! ¡Ndeporoaɨu jëe yae vino güi, jare neñemokätía ikavi yae opaete ïru ikäti kavi vae güi!

CANTARES 4:14

nardo jare azafrán jee vae, iɨ ikäti kavi vae jare canela, jare oipotagüe ɨvɨra ikäti kavi vae, mirra, áloe, jare opaete ïru ikäti kavi yae vae.

CANTARES 8:14

¡Aaɨu vae, ndeandeko, esɨi guasu ani guasukaka taɨrusu vae rami, ɨvɨtɨ reta ipiche kavi vae rupi rami!

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

EZEQUIEL 27:15

Dedán pegua reta ombaegua vi ndegüi. Jeta tëtaguasu reta ɨguasu jembeɨ rupigua reta ombaegua ndegüi, omboepɨ reta ndeve elefante jäimbukugüe pe jare ɨvɨra ébano jee vae pe.

EZEQUIEL 27:17

Jaeramiño vi Judá jare Israel pegua reta ombaegua ndegüi, omboepɨ reta ndeve trigo Minit pegua pe jare Panag pegua pe, ei pe, olivo iasaite pe jare ɨvɨra iyaɨsɨgüe pe.

EZEQUIEL 27:22

Omaemee vae reta Sabá pegua jare Raama pegua, yogüeru vi ombaegua ndegüi, jae reta omboepɨ kavi ndeve mbae ikäti kavi yae vae reta pe, ita ipöra vae pe jare oro pe.

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

Hechos 21:14

Jare mbaetɨ orepuere royopia ramo, roe chupe: —Toiko yandeYa jemimbota.

DEUTERONOMIO 33:14

año pe mbaagüɨye kavi vae rupi, jare yasɨ ñavo yagüɨye vae rupi,

1 SAMUEL 25:27

Jare añave kuae mbota reta aru ndeve vae, toñemee kuimbae nderembiokuai reta pe.

1 SAMUEL 9:7

Saúl jei jembiokuai pe: —Yaja jayave. Ërei, ¿mbae pa yarajata jókuae kuimbae pe? Echa mbɨyape opa ma yandeaporoka pe, jare mbaetɨ mbae ñamee vaerä Tumpa iñeemombeúa pe.