GÉNESIS 42:9 - Biblia Guarani Tumpa Iñee

⁹ Jayave José imaendúa ipaɨu re, tɨkeɨ reta regua, jare jei chupe reta: —Oporopïaro vae ko pe reta; peyu ko pemae, peikuaa kavi vaerä jëgua ra kuae ɨvɨ vae.

GÉNESIS 42:9 ပူးပေါင်းရင်းမြစ်များ

GÉNESIS 37:11

Jare tɨkeɨ reta omotareɨ yae, ërei tu oyemongeta oiko kuae re.

GÉNESIS 42:16

Pemondo metei pepɨte güi togüeru perɨvɨ, jare pe reta pepɨta tembipɨɨrä, jare peñee reta oñejäata, añetete ra pere vae; mbaetɨ yave, oporopïaro vae ko pe reta. ¡Kuae jae peve Faraón jee re!

GÉNESIS 42:34

Jare peru cheve perɨvɨ taɨkuegua, aikuaa vaerä añetete ra ko kuimbae jeko kavi vae pe reta, jare mbaetɨ ko oporopïaro vae pe reta; jökorai amee yeta peve perɨkeɨ, jare pepuere pembaegua peipoɨumbae reve kuae ɨvɨ rupi.”

2 SAMUEL 10:3

mburuvicha jókuae ɨvɨ pegua reta jei juvicha guasu Hanún pe: “¿Rerovia pa David ombou kuae reta omboete nderu ramo, ndembopɨakatu vaerä nderu imano re? ¡Ombou ko oipïaro jare omae reta kuae ɨvɨ re, opa vaerä omboai!”

ÉXODO 32:35

Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.

NÚMEROS 13:2

“Emondo kuimbae reta omae vaerä ɨvɨ Canaán re, che amee Israel iñemuña reta pe vae; emondo ñemuña ñavo güi metei kuimbae, tenondeguarä ñogüɨnoi ipɨte pe vae reta.”

San Lucas 20:20

Jare oipïaro reta Jesús. Jáeramo omondo vi ïru vae reta oipïaro vaerä Jesús; jae reta oyeapo jupi vae rami oyavɨuka vaerä chupe iñee rupi aeño, ipuere vaerä omboeterenga mburuvicha ipo pe.

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JOSUÉ 6:23

Jayave oporopïaro vae reta oike jare güɨnoe Rahab, jare tu, ichɨ, ikɨvɨ reta, jare opaete imbae vae reta; güɨnoe reta vi opaete jëtara, jare oñono reta Israel iñemuña reta jeyupa güi ikatu pe.

JUECES 1:24

Oporopïaro vae reta oecha oë metei kuimbae jókuae tëta güi, jare jei reta chupe: “Remombeu oreve yave kerupi roike vaerä kuae tëta pe orepɨakavita ndeve.”

1 SAMUEL 26:4

Jare David omondo omae vɨari vae reta, jökorai oikuaa kia pe oime oï Saúl vae.