GÉNESIS 42:6 - Biblia Guarani Tumpa Iñee

⁶ Jare José ko jae mburuvicha jókuae ɨvɨ pe, jae omaemee opaete tëta ɨvɨ pegua pe; jayave opa yogüeru oväe tɨkeɨ reta José oïa pe, jare itindɨasɨ reta ɨvɨ re jóvai.

GÉNESIS 42:6 ပူးပေါင်းရင်းမြစ်များ

GÉNESIS 18:2

Abraham omopüa iñäka jare oecha mboapɨ kuimbae reta yogüeru oväe jóvai; jare oecha yave osɨi oë ojo oövaiti reta vaerä, jare oyetavatɨka itindɨasɨ ɨvɨ re.

GÉNESIS 19:1

Kaaruasɨ ma yave araɨgua reta yogüɨraja oväe Sodoma pe; jare Lot oguapɨ oï tëta Sodoma jöke pe; jare Lot oecha yave opüa oövaiti vaerä, jare oyetavatɨka itindɨasɨ ɨvɨ re.

GÉNESIS 33:3

Jare jae oasa tenonde chugüi reta, oyetavatɨka itindɨasɨ ɨvɨ re chiu ye, ojo regua oväe tɨkeɨ pe.

GÉNESIS 41:43

Jare omboyeupiuka mburuvicha iguataka ïru pe jare osapúkai reta jenonde rupi körai: “¡Peyetavatɨka opaete vae!” Jökorai oñono mburuvicha guasurä opaete ɨvɨ Egipto re.

GÉNESIS 41:54

Jare omboɨpɨ oväe chiu año rupi karuai yaeta vae, José jei rami; jare ou karuai opaete tëtaguasu reta rupi, ërei opaete ɨvɨ Egipto pe oime tembíu.

GÉNESIS 41:57

Jare opaete ketɨ ketɨ güi yogüeru Egipto pe ogua vaerä tembíu, echa karuai yae oï opaete ɨvɨ rupi.

GÉNESIS 44:14

Judá ou oväe tɨvɨ reta ndive José oïa pe yave, jae oimeño oï joko pe, jare oyetavatɨka reta itindɨasɨ ɨvɨ re jae jóvai.

GÉNESIS 45:26

Omombeu reta tu pe José oikoveño vae, jare jae ko mburuvicharä oï opaete ɨvɨ Egipto pe vae. Jare Jacob ipɨa kërai oyapo, echa mbaetɨ güɨrovia jei reta chupe vae.

GÉNESIS 45:8

Jayave mbaetɨ ko pe reta chembou kuae kotɨ, Tumpa etei ko chembou jare cheñono Faraón imborɨarä, jo pegua reta iyarä, jare opaete kuae ɨvɨ Egipto juvicharä.

GÉNESIS 48:12

Jayave José oekɨ imichia reta tu jäpapau güi jare itindɨasɨ ɨvɨ re.

PROVERBIOS 11:26

Tembíu re oñemoäkateɨ vae re tëta pegua reta oyepopeyuta, ërei iñee kavi retata jókuae jäkateɨmbae reve kavi omee vae kotɨ.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

Hechos 7:10

jare oepɨ opaete tembiporara reta güi. Jare jae omee chupe mbɨakavi jare arakuaa mburuvicha guasu Egipto pegua Faraón jóvai. Jáeramo Faraón oyapo mburuvicharä, opaete Egipto pegua reta re jare Faraón jo re.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 20:41

Jare jembiokuai ojo ma yave, David oë arayevɨ kotɨ güi ita yatɨ oï vae ikupe güi, oyetavatɨka ɨvɨ re mboapɨ ye itindɨasɨ reve, javoi oyoovapɨte jare oñoäpiro reta, ërei David jeta yae oyaeo.