GÉNESIS 42:38 - Biblia Guarani Tumpa Iñee

³⁸ Jae jei: —Ngaraa cheraɨ ojo pe ndive, echa tɨkeɨ omano ma, jaeño ma ko opɨta; maratu oasa tape rupi pegüi yave, pe reta cheyukaukata mbɨatɨtɨ pe.

GÉNESIS 42:38 ပူးပေါင်းရင်းမြစ်များ

GÉNESIS 37:33

Jayave Jacob oikuaa, jare jei: “Cheraɨ jemimonde ko kuae; mbae nunga mbaeporou opa omopächa jare opa jou.”

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

GÉNESIS 37:35

Jayave opüa opaete taɨ reta jare tayɨ reta ombopɨakatu vaerä tëi; ërei jae mbaetɨ oipota oyeapɨsaka taɨ reta iñee re, jare jei: “Ajata ko kuae mbɨatɨtɨ ndive cheraɨ oïa pe, omanogüe reta ñogüɨnoia pe.” Jare oyaeo tu.

GÉNESIS 42:13

Jae reta jei: —Ore nderembiokuai reta doce metei tu vaeño ko, metei kuimbae Canaán pegua taɨ reta; orerɨvɨ taɨkuegua opɨtaño oreru ndive, jare ïru mbaetɨve ma oiko.

GÉNESIS 42:37

Jare Rubén omomiari tu, jei reve: —Emee cherɨvɨ Benjamín chepo pe, jare che aru yeta ndeve; jare mbaetɨ yave, eyuka mókoi reve cheraɨ reta.

GÉNESIS 42:4

ërei Jacob mbaetɨ omondo Benjamín, José tɨvɨ tɨkeɨ reta jupíe; echa jei: “Güɨramoi maratu oásane.”

GÉNESIS 43:13

¡Pepüa jare peyupavo! Pekua jókuae kuimbae oïa kotɨ; jare peraja vi perɨvɨ.

GÉNESIS 44:20

jare ore romombeu ndeve cheya, roe: “Oime ko oreru indechi yae ma, jare metei orerɨvɨ taɨrusuasɨ yae vɨteri vae, oreru indechi ma yave oa chupe vae. Oime tëi ko tɨkeɨ, ërei omano. Jaeño opɨta tɨkeɨ ndive metei ichɨ vae güi jare tu oaɨu yae ko.”

GÉNESIS 44:22

Jare roe ndeve oreya: “Jókuae kunumi mbaetɨ ipuere oeya tu, echa oeya yave, tu omanota ko.”

1 REYES 2:6

Jáeramo, kuae eyapo ndearakuaa reve kavi, agüɨye emaeño tindechi tomano.

JOB 41:32

Ɨ rupi jembipe oeya jaɨkuere, morotï tɨrɨyɨi oeya.

SALMOS 71:18

CheRu Tumpa, agüɨye chereeya, yepe tëi chendechi jare cheatï, amoërakua regua ndembaepuere kuimbae reta iñemuña pe, jare taɨkue rupi yogüɨrekota vae reta pe.

SALMOS 90:10

Setenta año rupiño roikove, oikove katu vae retaño oupitɨ ochenta; ërei jeseve, yemoambeko yae jare yavai yae ko, echa ɨmambae yae oasa, yaveve etei rami.

ECLESIASTÉS 1:14

Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ISAÍAS 38:10

Che ayemongeta tëi körai: Ndei chendechi mbove ou mano cheve, aja vaerä omanogüe ñogüɨnoia pe, jekuae avei pegua.

ISAÍAS 46:4

jare jekuaeñota poangareko pendechi regua, peatï ma yave jekuaeñota ayangareko peré. Che ko poapo, jekuaeñota ko pogüɨroata, poangarekota jare pogüɨroasayepeta.