GÉNESIS 42:18 - Biblia Guarani Tumpa Iñee

¹⁸ Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

GÉNESIS 42:18 ပူးပေါင်းရင်းမြစ်များ

GÉNESIS 20:11

Abraham jei chupe: —Jae cheyeupe: “Añetete kuae pe mbaetɨ Tumpa güi oipoɨu vae, cheyuka retata ko cherembireko re.”

GÉNESIS 39:9

Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

GÉNESIS 42:19

Kuimbae jeko kavi vae ko pe reta yave, metei topɨta pepɨte güi, kuae pe tembipɨɨrɨru oï vae pe; jare pe reta pekua peraja tembíu pero pe okaruai ñogüɨnoi vae reta pe.

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 5:9

Jare jae vi chupe reta: “Pe reta peyapo peï vae mbaetɨ ko ikavi. ¿Maera pa mbaetɨ peipoɨu ñaneTumpa güi, agüɨye vaerä opuka tovaicho reta yanderé?

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

ÉXODO 1:17

Ërei oporomboyekuaku vae reta oipoɨu Tumpa güi, jare mbaetɨ oyapo reta mburuvicha guasu Egipto pegua oyókuai rami, omaeño michia kuimbae reta oikove.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

LEVÍTICO 25:43

Agüɨye peyokuaiasɨ katu, peipoɨu Tumpa güi.

San Lucas 18:2

Jare jei chupe reta: “Oiko metei tëta guasu pe metei mburuvicha oporojäa vae. Oipoɨuä etei Tumpa güi jare iporomboeteä etei.

San Lucas 18:4

Mbovɨ ara rupi mburuvicha oporojäa vae mbaetɨ oyapo mbae oepɨ vaerä. Ërei jaɨkue rupi jei iyeupe: ‘Yepe tëi aipoɨuä Tumpa güi jare cheporomboeteä etei,