GÉNESIS 41:51 - Biblia Guarani Tumpa Iñee

⁵¹ Jare José taɨrɨpɨ ombojee Manasés, echa jei iyeupe: “Tumpa etei chemoakañɨ opaete tembiporara reta güi jare opaete cherëtara reta güi.”

GÉNESIS 41:51 ပူးပေါင်းရင်းမြစ်များ

GÉNESIS 41:30

jare jaɨkue rupi oimeta vi ou chiu año etei karuai; jare opaete Egipto pegua reta ñakañɨta tenonde yave jeta ko mbaagüɨye vae güi, jare karuai oporomombaraveteta oipota rupi.

GÉNESIS 41:50

Jökorai oa José pe mókoi taɨ reta, ndei ou mbove tenondegua año karuai; jae ko Asenat imembɨ reta; Asenat ko jae Potifera sacerdote tëta On pegua tayɨ.

GÉNESIS 41:52

Taɨ taɨkuegua ombojee Efraín, echa jei iyeupe: “Tumpa chemborɨ jare chemboyekou kuae ɨvɨ aiporaraa pe.”

GÉNESIS 48:1

Oasa güire kuae mbaembae, omombeu reta José pe tu imbaerasɨ oï vae. Jayave jae güɨraja mókoi reve taɨ reta, Manasés jare Efraín.

GÉNESIS 48:5

Añave, kuae mókoi nderaɨ reta, Efraín jare Manasés ɨvɨ Egipto pe oa ndeve vae reta; ndei ayu ɨvɨ Egipto pe ndépɨri mbove oa ndeve vae reta chembae ko; cheraɨ Rubén jare Simeón rami.

JOB 11:16

Jare neakañɨta reiporaragüe güi, neakañɨta chugüi ɨ oasagüe güi rami.

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

SALMOS 45:10

Kuñatai, eyeapɨsaka kavi jaeta ndeve vae re: Neakañɨ nerëtaɨgua güi jare nderu jo pegua reta güi,

PROVERBIOS 31:7

tokau reta jare toñemoakañɨ reta mbae oata chupe vae güi, jare jasɨ katu rupi yogüɨreko vae güi.

ISAÍAS 57:16

Echa ngaraa amboeko avei chembae vae reta, ngaraa vi chearasɨ avei aiko; echa jökorai yave cherembiapo reta ipɨtuta cheróvai.

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

NÚMEROS 26:28

José taɨ reta jeta oñemuña chugüi vae jae ko: Manasés jare Efraín.

DEUTERONOMIO 33:17

Toro taɨrɨpɨ rami ko iyemboetea, toro jäti rami ko, pɨpe oikututa opaete tëta reta ɨvɨ pegua; jökorai ko jeta Efraín iñemuña reta, jare Manasés iñemuña reta.”

JOSUÉ 14:4

Echa José taɨ reta güi oyeapo mókoi ñemuña, Manasés jare Efraín; ërei mbaetɨ oyemboyao ɨvɨ Leví iñemuña reta pe, jaeño oñemee chupe reta tëta guasu reta yogüɨreko vaerä pɨpe jare iyɨ́vɨri jɨmba reta ikarúa rendarä.

JOSUÉ 17:1

Kuae ɨvɨ ko jae Manasés iñemuña reta omboresive suerte rupi vae; Manasés jae ko José taɨrɨpɨ. Maquir jae ko Manasés taɨrɨpɨ, jae ko Galaad tu. Maquir ko kuimbae ñeraro regua, omboresive iɨvɨrä Galaad jare Basán ɨ̈aka Jordán güi kuaraɨ oëa kotɨ.

1 SAMUEL 1:20

Ana ipurúa, jare ou ma ara reta oväe oyekuaku vaerä yave, oa imembɨ metei kunumi raɨ, jare ombojee Samuel, echa jei: “CheYa pe aiporu vae ko.”