GÉNESIS 41:25 - Biblia Guarani Tumpa Iñee

²⁵ Jayave José jei Faraón pe: —Faraón ipaɨu metei vaeño tëi ko; Tumpa ko oechauka ndeve jae oyapota vae.

GÉNESIS 41:25 ပူးပေါင်းရင်းမြစ်များ

GÉNESIS 40:8

Jayave jae reta jei chupe: —Ropaɨu, jare mbaetɨ kia oikuaauka oreve mbae ra oipota jei vae. Jayave José jei chupe reta: —Tumpaño ko oikuaaukata mbae ko oipota jei vae. Añave pemombeu cheve.

GÉNESIS 41:16

Jayave José jei Faraón pe: —Che aeño mbaetɨ ko anoi mbae cheyé; Tumpa etei ko oikuaauka kavita Faraón pe.

GÉNESIS 41:26

Jókuae chiu guaka ipöra vae, chiu año ko; jare jókuae trigo chiu jäka ipöra vae, chiu año vi ko; kuae mbaɨu reta metei vaeño tëi ko.

GÉNESIS 41:28

Kuae ko jae amombeu añave Faraón pe vae; Tumpa oyapota vae ko oechauka Faraón pe.

GÉNESIS 41:32

Jare Faraón opaɨu mókoi ye ramo; Tumpa jei vae añetete oasata ko, jare Tumpa jaɨai yae oï oyapo vaerä kuaekuae reta.

SALMOS 98:2

YandeYa oechauka iporogüɨroasayepe, imbaejupi oechauka opaete tëtaguasu reta jesa róvai;

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 43:9

Toyemboatɨ opaete tëtaguasu reta jare opaete tëta reta. ¿Kia pa chugüi reta arakae omombeu kuae mbaembae oasata vae, ani arakae mbaembae oasagüe reta ndei oasa yave voi ma omoërakua reta vae? Oime kia oecha jae reta jeigüe oyembopo ko vae yave, tou jare timiari kuae pe añetete ko vae.”

DANIEL 2:45

jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

San Mateo 24:40

Jókuae ara mókoi kuimbae ñogüɨnoita ko pe. Metei oyererajaukata jare ïru oyeeyata.

San Marcos 13:23

Ërei pe reta peyeandu. Amombeu voi ma peve opaete, ndei oyeapo mbove.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”