GÉNESIS 40:8 - Biblia Guarani Tumpa Iñee

⁸ Jayave jae reta jei chupe: —Ropaɨu, jare mbaetɨ kia oikuaauka oreve mbae ra oipota jei vae. Jayave José jei chupe reta: —Tumpaño ko oikuaaukata mbae ko oipota jei vae. Añave pemombeu cheve.

GÉNESIS 40:8 ပူးပေါင်းရင်းမြစ်များ

GÉNESIS 40:9

Jayave oporoëɨ vae reta itenondegua imiari ipaɨu re José pe, körai: —Chepaɨu pe aecha temitɨ uva oï cheróvai,

GÉNESIS 41:25

Jayave José jei Faraón pe: —Faraón ipaɨu metei vaeño tëi ko; Tumpa ko oechauka ndeve jae oyapota vae.

JOB 33:23

Ërei oime yave köiño oï chugüi metei araɨgua, jeta vae güi metei timiari kavi chupe, kërai oiko vaerä vae re.

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

DANIEL 2:11

Echa kuae nde mburuvicha guasu reparandu vae yavai ko, jare ngaraa kia ipuere omombeu ndeve; jaeño tumpa reta ipuereta; ¡ërei jae reta mbaetɨ ko yogüɨreko kuimbae reta ipɨte rupi!

DANIEL 2:27

Daniel jei mburuvicha guasu jóvai: —Kuae yaikuaambae vae nde mburuvicha guasu reipota reikuaa vae, ngaraa ipuere oikuaauka ndeve yarakuaa katu vae, yasɨtata re oyemboe vae, ichoropa vae ani maratuta vae imombeúa reta ave.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:3

Jare mburuvicha guasu jei chupe reta: —Che apaɨu, jare chepɨaä yae, aipota tëi aikuaa jesegua.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 4:8

Ou regua oike cheve Daniel, jae ko jee Beltsasar, chetumpa reta jee rami; jese oime oï Tumpa Iyoambae iespíritu. Chemiari chepaɨu re chupe körai:

DANIEL 5:16

Che aendu nderegua, kërai ndepuere reikuaauka oipotagüe mbae ko oipota jei vae, jare reñono kavi yemboavai reta. Añave ndepuere remongeta cheve kuae oyekuatiagüe jare reikuaauka mbae ko oipota jei vae yave, reyemondeukata temimonde pɨ̈taasɨ vae mburuvicha pegua pe, jare mboɨ oro pegua reñonota ndeayu re, jare reïta mboapɨa mburuvicha guasurä mborookuaía pe.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.