GÉNESIS 4:14 - Biblia Guarani Tumpa Iñee

¹⁴ Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.

GÉNESIS 4:14 ပူးပေါင်းရင်းမြစ်များ

GÉNESIS 3:24

Jayave omombo joko güi kuimbae, jare oñono araɨgua reta Edén güi kuaraɨ oëa kotɨ jare metei kɨsepuku jendɨ vae jare oyembovava opaete rupi oguata vae, oyopia vaerä ɨvɨra tekove pegua jape.

GÉNESIS 4:13

Jayave Caín ipɨatɨtɨ tuicha, jare jei yandeYa pe: —Mbaetɨta chepuere aropɨa kuae tembiporara rere cheve vae.

2 SAMUEL 14:7

Jare añave opaete cherëtara reta oñemopüa chekotɨ jare jei reta cheve amee vaerä chupe reta jókuae oyuka tɨvɨ vae, oyepɨ reta vaerä jókuae omano vae regua, jökorai oyuka retata mbaembae iyarägüe vae, jaevaeño cheve vae, omokañɨtei retata cheme iñemuña.

SALMOS 109:10

¡Taɨ reta toguata reteiño, jare toyerure toyogüɨreko reta tembíu re, mombɨrɨ rupi jo oyemboaigüe güi!

SALMOS 109:12

Agüɨye kia toiparareko tomae jese, ani taɨgüe tɨ̈reɨ reta re ave.

SALMOS 143:7

CheYa Tumpa, emboyevɨ cheve jarembae cheyerure, echa amanota ma, agüɨye esɨrɨ chegüi, agüɨye taiko omanogüe reta tɨvɨa pe ojo rami.

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 52:3

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Jaɨkue rupi Sedequías oñemopüa mburuvicha guasu Babilonia pegua re.

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

LEVÍTICO 26:36

Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

NÚMEROS 35:19

Jókuae omano vae jëtara ete toyuka jókuae oporoyuka vae oväe chupe yave.

NÚMEROS 35:21

ani oyovaicho oyoe jeko pegua okua jese yave, jare omano yave, jókuae oporoyuka vae tomano; echa oporoyuka vae ko; jókuae omano vae jëtara ete toyuka jókuae oporoyuka vae oväe chupe yave.

NÚMEROS 35:27

jare jókuae omano vae jëtaragüe oväe yave ikatu pe jókuae oporoyuka vae, jare oyuka yave agüɨye toyemboeko;

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 28:65

Jare peiko ramboeve jókuae tëtaguasu reta pe, mbaetɨta peiko pɨagüive, mbaetɨta peputuu kavi; echa yandeYa omeeta peve pɨakɨɨye, mbɨatɨtɨ jare yemoambeko.

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,