GÉNESIS 39:10 - Biblia Guarani Tumpa Iñee

¹⁰ Ara ñavo jae omoñera José, ërei José mbaetɨ oyeapɨsaka jese ou vaerä oyapakua ipoe, oï vaerä jae ndive.

GÉNESIS 39:10 ပူးပေါင်းရင်းမြစ်များ

GÉNESIS 39:11

Jökorai metei ara oike o pe oyapo vaerä iparavɨkɨ, jare mbaetɨ ñogüɨnoi joko pe jókuae o pegua reta yave,

GÉNESIS 39:8

Jare jae mbaetɨ oipota, jare jei iya jembireko pe: —Mase, cheya mbaetɨ ko oyemoambeko jo pegua reta re, jare oeya ko chepo pe opaete imbaembae.

GÉNESIS 39:9

Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

PROVERBIOS 1:15

¡Cheraɨ, agüɨye emomoe jae reta jape! Eyembosɨrɨ jae reta jeko kavimbae güi,

PROVERBIOS 2:16

Ndereepɨta vi kuña iyaguasa pota vae güi, jókuae kuña iñee mbokere vae güi.

PROVERBIOS 22:14

Ɨvɨkua kɨ̈pe yae vae rami ko, kuña iyaguasa pota vae iñee reta, joko pe oata, yandeYa iyarasɨ ikotɨ vae.

PROVERBIOS 23:27

echa kuña iyaguasa pota vae, ɨvɨkua kɨ̈pe yae jare ipɨmii yae vae rami ko;

PROVERBIOS 23:28

oporopïaro ko imonda vae rami, jare jeta kuimbae reta omokañɨteiuka.

PROVERBIOS 5:3

Echa kuña iyaguasa pota vae iñee jëe ngatu yae, iñee kaviasɨ, asaite iïchɨi kavi rami,

PROVERBIOS 5:8

Esɨrɨ kuña iyaguasa pota vae güi; agüɨ ye etei eya jöke re ave,

PROVERBIOS 7:13

Jókuae kuña oiküava kunumi jare oiyurupɨte, jare imarambae reve jei chupe:

PROVERBIOS 7:5

Ndeangareko vaerä kuña iyaguasa pota vae güi, kuña reta iñee mbokere vae güi.

PROVERBIOS 9:14

Jöke pe oguapɨ metei siya pe, tëta guasu pe ɨvatea pe,

PROVERBIOS 9:16

jei yarakuaambae pe: “¡Eyu kuae pe!” Jei mbaetɨ oyemongeta kavi vae reta pe:

1 Corintios 15:33

Agüɨye peyavɨ. Jeko kavimbae reta ndive ñañemoïru yave, güɨrokomegua yandereko kavi.

1 Corintios 6:18

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

1 Tesalonicenses 5:22

Peyembosɨrɨ opaete mbae ikavimbae vae güi.

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.