GÉNESIS 38:9 - Biblia Guarani Tumpa Iñee

⁹ Ërei Onán oikuaa jókuae ñemuña mbaetɨta imbae. Jáeramo tɨkeɨ jembirekogüe güɨroke ñavo ñäteɨ omomburúa ramo omoë taɨgüe ɨvɨ pei, echa mbaetɨ oipota oyapo tɨkeɨ iñemuñarä.

GÉNESIS 38:9 ပူးပေါင်းရင်းမြစ်များ

GÉNESIS 38:10

Jare yandeYa pe mbaetɨ ipöra jókuae oyapogüe, jare oekɨ chugüi jekove.

JOB 5:2

Añete, yarakuaambae oyeyukauka arasɨ pe, jare imbaepotarai vae ñemoägüɨro pe.

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

DEUTERONOMIO 25:5

Oyotɨvɨ vae reta yogüɨreko päve yave meteia peño, jare metei omano yave taɨmbae, jókuae omano vae jembirekogüe agüɨye tomenda ketɨgua kuimbae ndive; ipëu tomenda jae ndive, jökorai oñemuña vaerä jókuae jëtara amɨri.

DEUTERONOMIO 25:6

Jókuae kuña imembɨrɨpɨ kuimbae ko chupe yave, togüɨraja tɨkeɨ amɨri ani tɨvɨ amɨri jee, agüɨye vaerä jókuae omano vae jee okañɨ Israel iñemuña reta ipɨte pe.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 3:14

Ërei peñemoägüɨro yave ïru vae reta re jare pepochɨ pepɨa rupi yave, agüɨye peyemboete ani peapu añete vae kotɨ.

Santiago 3:16

Echa oime ñemoägüɨro jare ñeraroa pe, oime jeta teko ikavimbae jare oipotagüe mbae ikavimbae vae.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

RUT 1:11

Jare Noemí jekuae jei ye: —Pekua ye chemembɨ reta, ¿maera pa peota cherupíe? Mbaetɨta ma che chemembɨ ye ipuere vaerä yogüɨreko pemerä.

RUT 4:10

Jare arekota vi cherembirekorä Rut, Moab pegua, Mahlón amɨri jembirekogüe; jókuae ɨvɨ oiko vaerä omano vae jee reño, agüɨye vaerä jókuae omano vae jee oyemboai jëtara ipɨte güi jare iɨvɨ güi.