GÉNESIS 37:3 - Biblia Guarani Tumpa Iñee

³ Israel oaɨu yae José opaete ïru taɨ reta güi, echa indechi pe ma oa kuae taɨ chupe; jare oyapo chupe metei temimonde jeta ipïra vae.

GÉNESIS 37:3 ပူးပေါင်းရင်းမြစ်များ

GÉNESIS 37:23

jare José ou yave oväe tɨkeɨ reta pe, omboi reta chugüi jemimonde; jókuae jemimonde jeta ipïra vae omonde güɨraja vae,

GÉNESIS 37:31

Jayave oipɨɨ reta José jemimondegüe, jare oñaseokɨ̈ti reta metei kavara kuimbae raɨ jare jugüɨgüe pe oñapiramo reta.

GÉNESIS 37:32

Jare güɨrajauka reta temimonde jeta ipïra vae tu pe, jare omondo jei reta tu pe: “Kuae roväe chupe, eikuaa: ¿Nderaɨ jemimonde pa ani ambuae pa?”

2 SAMUEL 13:18

Jare jókuae tembiokuai güɨnoe joko güi jare oyokenda öke chugüi. Tamar jemimonde ko temimonde ipïra jeta vae, kuae nunga temimonde ko omonde mburuvicha guasu tayɨ reta ndei etei kuimbae ndive oasa vae.

EZEQUIEL 16:16

Nderemimonde reta pe reyapo o mbaemboetea reta ɨvɨtɨ rupi, jare reiko aguasa pe joko pe. Mbaetɨi kuae nunga oyeapo, jare ngaraa ye oyeapo jókuae nunga.

San Juan 3:35

Tu oaɨu Taɨ, jare oñono opaete mbaembae ipo pe.

JUECES 5:30

‘Güɨramoi oime omboyao ñogüɨnoi oyoupe ñeraro pe opɨ̈rogüe. Metei ani mókoi tembipɨɨ kuñatai, ñeraro regua peguarä ñavo; Sísara peguarä temimonde ipïra kavi vae; metei ani mókoi, oporomoamɨri vae iyayu reguarä jeta ipïra vae. Oporomoamɨri vae reta juvicha reta peguarä temimonde jeta ipïra vae.’