GÉNESIS 36:7 - Biblia Guarani Tumpa Iñee

⁷ Echa mókoi reve jeta yae mbae güɨnoi reta vae, mbaetɨ ma ikavi yogüɨreko päve vaerä, jókuae ɨvɨ oupitɨä ma chupe reta.

GÉNESIS 36:7 ပူးပေါင်းရင်းမြစ်များ

GÉNESIS 13:11

Jayave Lot oiparavo iyeupe opaete kuae ɨvɨpe kavi ɨ̈aka Jordán iyɨ́vɨri rupigua. Jökorai Lot osɨrɨ itutɨ Abram güi, jare oyakavo kuaraɨ oëa kotɨ.

GÉNESIS 13:6

Ɨvɨ ñogüɨnoi pɨpe vae oupitɨä ma yogüɨreko päve vaerä meteia peño.

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 28:4

Jare tomee ndeve mborerekua Abraham pe güɨrökuavee vae, jökoraiño vi neñemuña reta pe, reiko vaerä kuae ɨvɨ yaiko pɨpe vae iyarä, Tumpa omee Abraham pe vae.”

1 CRÓNICAS 29:15

Echa nderóvai ore reta ko ketɨgua oasa ojo oiko vae ramiño, oreñemuñagüe reta rami, jare orerekove ɨvɨ iárambo metei küaraɨa michi peguaño vae rami ko.

SALMOS 39:12

CheYa Tumpa, eendu cheyerure, ¡eyeapɨsaka asapúkai ndeve vae re! ¡Agüɨye emaeiño tayaeo! Echa che, oguataiño vae rami ko ndeve, oguataiño vae cheñemuñagüe reta rami.

JEREMÍAS 35:7

Oyopia vi oregüi royapo vaerä orerorä, romaetɨ vaerä kó pe jare rogüɨnoi vaerä uvarupa ani ɨvɨ yepe. Oreokuai roiko vaerä o guakapi pegua peño, roiko puku vaerä kuae ɨvɨ pe, ketɨgua rami roiko pɨpe vae pe.

Hebreos 11:9

Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.