GÉNESIS 35:22 - Biblia Guarani Tumpa Iñee

²² Jare Israel oiko ramboeve jókuae ɨvɨ pe, Rubén ojo güɨroke tu jembireko güɨrekoiño vae, Bilha jee vae; jare Israel ou oikuaa jókuae regua. Jayave opaete reve doce ko Israel taɨ reta.

GÉNESIS 35:22 ပူးပေါင်းရင်းမြစ်များ

GÉNESIS 35:18

Jare oa imembɨ rupive omano. Ërei ndei omano mbove ombojee Benoni, ërei tu ombojee Benjamín.

2 SAMUEL 13:21

Jare mburuvicha guasu David oikuaa kuae regua yave iyarasɨ yae; ërei mbaetɨ mbae jei Amnón pe, echa oaɨu yae ko taɨ tenondegua ramo.

2 SAMUEL 20:3

Jare David ojo ye ma oväe jo pe Jerusalén pe yave, opa oyokenda metei o pe jókuae payandepo kuña güɨrekoiño vae reta, oeya oyangareko vaerä jo re vae reta; joko peño omeeuka tembíu chupe reta; ërei mbaetɨ ye oasa jae reta ndive. Jökorai oyokenda reta, güɨreko reta imemano vae rami, opa regua omano reta.

1 CRÓNICAS 5:1

Rubén, Israel taɨrɨpɨ taɨ reta jae: Hanoc, Falú, Hezrón jare Carmi. Rubén, añetete ko jae Israel taɨrɨpɨ, ërei membɨrɨpɨyekou imbaerä tëi vae oyemboasa José taɨ reta pe chugüi, echa Rubén güɨroke tu jembireko. Ërei ngatu Judá imbaepuere yae opaete tɨvɨ reta güi, jare chugüi oë mburuvicharä; ërei membɨrɨpɨyekou oñemee José pe.

ÉXODO 2:1

Metei kuimbae Leví iñemuña pegua ojo omenda metei kuñatai Leví iñemuña pegua ndive.

LEVÍTICO 18:8

Agüɨye kia nunga vae topoko ichɨraanga re; tomboete tu.

NÚMEROS 10:14

Tenonde ete omboɨpɨ oguata Judá iñemuña reta jeyupa ibandera, oyoaɨkue yoaɨkue reve kavi; Naasón, Aminadab taɨ jae ko jae reta juvicha.

NÚMEROS 13:4

jae kuae reta: Rubén iñemuña reta güi, Samúa, Zacur taɨ.

Hechos 7:8

Jare Tumpa jei Abraham pe jae jare opaete iñemuña kuimbae reta oyembocircuncidauka vaerä. Jáeramo Abraham taɨ Isaac oa ma yave ombocircuncida juri ara ma güɨnoi yave. Jökoraiño vi Isaac ombocircuncida taɨ Jacob, jare Jacob ombocircuncida jókuae doce taɨ yandeɨpɨ reta.

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.

DEUTERONOMIO 27:12

“Peasa ma ɨ̈aka Jordán yave, Simeón iñemuña reta, Leví iñemuña reta, Judá iñemuña reta, Isacar iñemuña reta, José iñemuña reta jare Benjamín iñemuña reta toñogüɨnoi ɨvɨtɨ Gerizim re, jei reta vaerä ñee kavi opaete vae re.

DEUTERONOMIO 27:20

‘Tijeko tu jembireko re opoko vae, echa mbaetɨ ko tu omboete.’ Jare opaete vae tei: ‘Amén.’

Apocalipsis 21:14

Jare tëta guasu ikësea iguapɨka reta doce, jare jese oyekuatía oï Vecha kuimbae taɨrusu vae jemimondo reta jee.

JUECES 5:14

Efraín iñemuña reta güi Amalec pe yogüɨreko vae amogüe kuimbae reta ogüeyɨ, jaɨkue yogüeru Benjamín iñemuña reta. Maquir iñemuña reta güi ogüeyɨ vi mburuvicha reta, Jökoraiño vi Zabulón iñemuña juvicha reta.

1 SAMUEL 2:22

Ërei Elí, indechi yae ma, jare oendu opaete taɨ reta oyapo Israel iñemuña reta pe vae, kuñatai reta oyeokuai o yemboatɨ renda jöke pe vae ave güɨroke reta.