GÉNESIS 35:2 - Biblia Guarani Tumpa Iñee

² Jayave Jacob jei opaete jo pegua reta pe, jare opaete jae ndive ñogüɨnoi vae reta pe: —Peekɨ opaete tumpa ambuae oï pepɨte rupi vae, jare peyetɨo jare peipoepɨ peremimonde.

GÉNESIS 35:2 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 31:19

Jare Labán ojo oñapi ivecha reta ramboeve, Raquel oñomi tu itumpa-raanga reta.

GÉNESIS 31:30

Ërei añave reyu ma reo, echa nekɨ̈reɨño mai reyerova ye nderu jëta kotɨ, jayave ¿maera pa peñomi chetumpa reta?

GÉNESIS 31:34

Raquel oipɨɨ jókuae tumpa-raanga oñono camello regua apero igüɨ pe jare oguapɨ jese; jare Labán oeka tëi opaete o guakapi pegua rupi, jare mbaetɨ oväe.

GÉNESIS 34:2

ërei Siquem, Hamor heveo iñemuña taɨ mburuvicha jókuae tëta pegua, oecha, jare oipɨɨ kuñatai ipɨa rupiä jare oasa jae ndive.

GÉNESIS 35:22

Jare Israel oiko ramboeve jókuae ɨvɨ pe, Rubén ojo güɨroke tu jembireko güɨrekoiño vae, Bilha jee vae; jare Israel ou oikuaa jókuae regua. Jayave opaete reve doce ko Israel taɨ reta.

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

2 REYES 17:29

Echa tëtaguasu pegua ñavo oyapo iyeupe itumpa ae ae iä reta, jare oñono reta tupao reta mbaemboete renda ɨvɨtɨ rupigua rupi, Samaria pegua reta oyapogüe pe. Tëtaguasu ñavo yogüeru oñemoëtaa rupi.

2 REYES 5:10

Jayave Eliseo omondo ikotɨ metei ñee jerajaa, jei körai: “Ekua, jare eyeyoe chiu ye ɨ̈aka Jordán pe, jare rekuerata.”

1 CRÓNICAS 16:26

Opaete tëta itumpa reta, tumpa-raangaño ko, ërei yandeYa ko jae ara reta iyapoa.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

SALMOS 51:2

Cheyoe yeyé ikavimbae güi, chetɨo cheyoa güi.

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

ÉXODO 19:14

Jare Moisés ogüeyɨ ou ɨvɨtɨ güi, jare omboyupavo oñeñono tee vaerä Israel iñemuña reta; oputuka reta jemimonde.

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

ECLESIASTÉS 5:1

Reo Tumpa jo pe yave, eyeandu reve eiko: Eya katu reyeapɨsaka vaerä, agüɨye eya mɨmba oyeyukagüe remee vaeräño, jókuae kuimbae reta yarakuaambae omee rami, echa mbaetɨ oikuaa reta ikavimbae ko oyapo ñogüɨnoi vae.

ISAÍAS 1:16

¡Peyeyoe jare peyetɨo! ¡Pembosɨrɨ peyeugüi ikavimbae peyapo cheresa róvai rupi vae! ¡Agüɨye mo peyapo ikavimbae!

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 16:20

¿Ipuere ra kuimbae oyapo iyeupe itumpa retarä? ¡Jökorai yave, jókuae tumpa reta mbaetɨ ko tumpa añetete vae!”

JEREMÍAS 5:7

YandeYa jei: “Cheɨ̈ro rapeä ko ndeve opaete kuae re. Peraɨ reta chereeya, jare jei reta mbae tumpa-raanga jee re. Amee jeta jembíu retarä, ërei mbaetɨ jeko kavi reta cheve, opaete vae yogüɨreko menda re oyuvanga vae rami.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 20:7

Jayave jae chupe reta oeya reta vaerä opaete itumpa-raanga reta, agüɨye vaerä oyemongɨa Egiptoɨgua reta itumpa-raanga pe. Echa che ko jae peYa Tumpa.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

DANIEL 5:4

Jou reta pɨpe vino jare omboete reta itumpa reta oro pegua, korepoti pegua, jiero iyu vae pegua, jiero pegua, ɨvɨra pegua jare ita pegua.

LEVÍTICO 15:5

Jare oipotagüe oyavɨkɨ yave jókuae tupa, toputuka jemimonde reta; jare jae etei toyau vi jare tikɨa topɨta Tumpa jóvai pɨ̈tu regua.

LEVÍTICO 17:16

Ërei mbaetɨ yave oputuka jemimonde ani oyau, toiporara jeko oyapogüe.”

NÚMEROS 31:24

Jare chiúa ara pe peputuka peremimonde, jökorai yave pepɨtata ikɨambae; jayave ramo peike teyupa pe.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

1 Corintios 10:7

Agüɨye petumpa-raanga pota jae reta rami, echa oyekuatía oï körai: “Oguapɨ reta okaru, okau, jare opüa reta güɨropo.”

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

DEUTERONOMIO 11:28

Peikota yepopeyu rupi, mbaetɨ yave peyapo yandeYa Tumpa iporookuai reta jare pepia yave pomboe añave jese vae güi, pemboete vaerä tumpa ambuae reta peikuaambae.

DEUTERONOMIO 32:16

Omoägüɨrouka reta tumpa ambuae güɨnoi jeko pegua, omboarasɨuka tumpa-raanga omboete jeko pegua;

DEUTERONOMIO 5:7

Agüɨye pereko ïru tumpa reta chegüi.

DEUTERONOMIO 6:14

Agüɨye pemboete tumpa ambuae vae reta, tëta reta peɨpɨ rupigua itumpa reta,

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 24:2

Jare Josué jei opaete vae pe: —Körai jei yandeYa, Israel iTumpa: “Arakae ete, peñemuñagüe Taré, Abraham jare Nacor tu, yogüɨrekose ɨ̈aka Éufrates jembeɨ pe; jare omboetese reta yepi tumpa ambuae.

JOSUÉ 24:20

Pe pesɨrɨ yave yandeYa güi jare peyeokuai yave tumpa ambuae reta pe, jae oyapota ikavimbae vae peve jare opata pemokañɨtei jeta ma ikavi vae oyapo peve tëi reve.

JOSUÉ 24:23

Josué jei chupe reta: —Jayave pemombo peyeugüi opaete tumpa ambuae reta pepɨte pe oime penoi vae jare peyerova opaete pepɨa ndive yandeYa Israel iTumpa kotɨ.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.

RUT 1:15

Jare Noemí jei chupe: —Mase, ko chemembɨtatɨ oyerova ye ma jëta kotɨ jare itumpa reta kotɨ; nde ekua vi jaɨkue.

1 SAMUEL 16:5

Jae jei: —Jökorai ko. Ayu ko amee mɨmba oyeyukagüe yandeYa pe; peñeñono tee jare peyu che ndive mɨmba oyeyuka oñemee yandeYa pea pe. Javoi Samuel oñono tee Isaí jare taɨ reta, jare oparea chupe reta yogüɨraja vaerä mɨmba oyeyukagüe oñemee yandeYa pea pe.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”