GÉNESIS 34:7 - Biblia Guarani Tumpa Iñee

⁷ Jacob taɨ reta yogüeru oväe yave ñuu güi, oikuaa reta mbae oasa oï vae, jare iyarasɨ reta, echa ikavimbae yae ko tëta Israel pe Siquem oyapakua Jacob tayɨ ndive vae. ¡Kuae ko mbaetɨta tëi oyeapo vae!

GÉNESIS 34:7 ပူးပေါင်းရင်းမြစ်များ

GÉNESIS 20:9

Jaɨkue rupi Abimelec oenɨi Abraham jare jei chupe: —¿Mbae pa reyapo oreve? ¿Oime pa mbae pe cheyoa ndekotɨ, reru vaerä cheré jare cheporookuaía re mbaeyoa tuichagüe yae? Mbaetɨta tëi reyapo vae reyu reyapo che ndive.

GÉNESIS 34:6

Jökorai ramboeve Hamor, Siquem tu, ojo Jacob pɨri imiari vaerä jae ndive.

GÉNESIS 34:8

Ërei Hamor imiari jae reta ndive jare jei chupe reta: —Cheraɨ Siquem iporopota yae pereindɨ re. Peyapo ikavi vae, pemaeño tomenda jae ndive

GÉNESIS 46:7

Opaete taɨ reta, tayɨ reta jɨmɨmino reta yogüɨraja jae ndive Egipto pe.

2 SAMUEL 13:21

Jare mburuvicha guasu David oikuaa kuae regua yave iyarasɨ yae; ërei mbaetɨ mbae jei Amnón pe, echa oaɨu yae ko taɨ tenondegua ramo.

SALMOS 93:5

CheYa Tumpa, ndeporookuai reta oyepoepɨmbae ko, ¡ñeñono tee ko ndero imopöraka, jekuaekuae avei rupi!

PROVERBIOS 7:7

aecha kunumi reta mbaetɨ yarakuaa vae, aecha chugüi reta metei mbaetɨ oyeandu katu reve oiko vae.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

LEVÍTICO 4:13

Israel iñemuña reta oyavɨ yave oikuaambae reve, jare mbaetɨ oikuaa ñogüɨnoi oyavɨ ko cheporookuai kotɨ vae; agüɨyeta tëi oyeapo vae oyapo reta vae rupi jeko reta,

LEVÍTICO 4:2

“Ere Israel iñemuña reta pe: Kia nunga vae oyavɨ oikuaambae reve rupi iyoa yave cheporookuai reta kotɨ, agüɨyeta tëi oyeapo vae güi oyapo yave metei:

LEVÍTICO 4:27

Kia nunga vae kuae tëta pegua oyavɨ yave oikuaambae reve che peYa iporookuai reta kotɨ, agüɨyeta tëi oyeapo vae güi oyapo yave, iyoa ko,

1 Corintios 10:8

Agüɨye vi yayapo aguasa, amogüe jae reta oyapo rami. Echa jökorai oyapo ramo, omano veintitré mil jókuae ara.

1 Corintios 6:18

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

Efesios 5:3

Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

DEUTERONOMIO 22:20

Ërei añetete ko kuñatai oasa ma kuimbae ndive yave,

DEUTERONOMIO 22:21

penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

DEUTERONOMIO 23:17

Agüɨye toime metei ave kuña iyaguasa pota vae ani kuimbae japicha ndive oasa vae Israel iñemuña reta ipɨte pe.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

1 Timoteo 5:13

Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Santiago 3:10

Metei vae yandeyuru güiño oë mbaemboete jare yepopeyu. Cherɨvɨ reta, mbaetɨ jaekavi yayapo vaerä jökorai.

JOSUÉ 7:15

Jare jókuae oñeväe jese mbaembae yepopeyu pe oï vae yave, topa toyeapɨ, opaete imbaembae ndive, echa oyavɨ ko cheporogüɨrökuavee päve kotɨ, jare oyapo ikavimbae Israel iñemuña reta ipɨte pe.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

JUECES 20:6

Jayave che aipɨɨ cherembireko jëogüegüe opa amboyao yao, jare amondo opaete Israel iñemuña reta iɨvɨ rupi, oikuaa reta vaerä kuae ikavimbae yae oasa vae.