GÉNESIS 33:18 - Biblia Guarani Tumpa Iñee

¹⁸ Jacob ou ye Padan-aram güi yave, ou kavi oväe tëta Siquem pe, ɨvɨ Canaán pe oï vae. Jare oyembojeyupa tëta Siquem jóvai.

GÉNESIS 33:18 ပူးပေါင်းရင်းမြစ်များ

GÉNESIS 12:6

Abram ojo ma oväe ɨvɨ Canaán pe yave, ojo More pe, tëta Siquem jee vae pe; jare kuimbae cananeo reta oimeño mai yogüɨreko jókuae ɨvɨ pe.

GÉNESIS 25:20

Isaac cuarenta año güɨnoi yave omenda Rebeca ndive, Betuel Aram pegua tayɨ, Labán Aram pegua jeindɨ, Padan-aram pe yogüɨreko vae.

GÉNESIS 28:2

Epüa ekua Padan-aram kotɨ, Betuel jëta pe, jae ko ndesɨ tu, jare emenda joko pe Labán tayɨ ndive. Labán jae ko ndesɨ ikɨvɨ.

GÉNESIS 31:25

Jare Labán oupitɨ Jacob; jae yepe oyembojeyupa jókuae ɨvɨtɨ re, jare Labán joko pe etei oyembojeyupa vi jëtara reta ndive.

GÉNESIS 35:9

Jacob oyerova ye yave Padan-aram güi, Tumpa jekuae oyekuaa ye chupe jare iporerekua jese.

GÉNESIS 37:13

Jayave Israel jei José pe: —Nderɨkeɨ reta oime omongaru vecha reta ñogüɨnoi Siquem pe: Mase, romondota remae vaerä nderɨkeɨ reta re. Jare jae jei tu pe: —Ërei, taja.

GÉNESIS 46:15

Jae ko kuae reta Lea imembɨ Jacob pe Padan-aram pe yogüɨreko yave vae, jare tayɨ Dina. Opaete reve iñemuña reta jae ko treinta y tres kuimbae jare kuña.

GÉNESIS 48:7

Echa che ayu aiko Padan-aram güi yave, ndesɨ Raquel omano chegüi tape rupi, Efrata kotɨ ojo vae pe, jae ko Belén, joko pe añotɨ.

SALMOS 60:6

Tumpa jei jo mbaemboetea pe: “¡Che ayerovia yaeta amboyao Siquem, jare ajäata ɨvɨtɨ päu ipe kavi vae Sucot!

JEREMÍAS 41:5

yogüeru oväe Siquem güi, Silo jare Samaria güi ochenta kuimbae; kuae reta opa jovaraa oñapi güeru, jare jemimonde reta osoro jare jete reta opa ombopere güeru. Güeru reta temitɨ jäɨgüe jare ikäti kavi vae incienso, güɨraja reta vaerä yandeYa itupao pe.

San Juan 3:23

Juan vi oporombobautisa oï Enón pe. Enón köiño oï Salim güi. Echa joko pe jeta ɨ. Jare amogüe vae yogüeru jare Juan ombobautisa reta.

San Juan 4:5

Jayave ojo oväe tëta guasu Sicar jee vae Samaria pegua pe; jókuae ɨvɨ Jacob arakae omee taɨ José pe vae iyɨpɨ pe.

Hechos 7:16

Jare opa jetegüe reta oyereru Siquem pe, joko pe oñotɨ reta tɨvɨa pe, Abraham ɨvɨ ogua Hamor taɨ reta güi vae pe.

JOSUÉ 24:1

Josué omboatɨ opaete Israel iñemuña reta Siquem pe, oenɨi mburuvicha reta, tenondegua reta, oporojäa vae reta, jare kuimbae ñeraro regua juvicha reta jare oñeñono reta Tumpa jóvai.

JUECES 9:1

Jerobaal taɨ Abimelec, ojo Siquem pe imiari vaerä ichɨ jaɨe reta ndive, jei reve: